Gujarati News

Gujarati News

News of Monday, 16th April 2018

હવે તમે કઇ ચેનલ કેટલી વાર સુધી જોઇ તેની માહીતી પણ સરકાર રાખશેઃ ટીવી સેટ ટોપ બોક્ષમાં ચીપ લગાવવા સરકારમાં સુચના અને પ્રસારણ મંત્રાલયનો પ્રસ્‍તાવ

નવી દિલ્હી: સરકાર હવે આવનારા સમયમાં તમે ટીવી ઉપર કઇ ચેનલ કેટલી વાર જોઇ તેની માહીતી પણ પોતાની પાસે રાખશે અને આ માટે એક ખાસ પ્રકારની ચીપ બનાવવામાં આવી છે. જેના આધારે આ માહીતી ઉપલબ્‍ધ થશે.

સૂચના અને પ્રસારણ મંત્રાલયે નવા ટેલીવિઝન સેટ ટોપ બોક્સમાં એક ચિપ લગાવવાનો પ્રસ્તાવ રજૂ કર્યો છે. ચિપ જણાવશે કે કઇ ચેનલ જોવામાં આવી અને કેટલીવાર સુધી જોવામાં આવી. મંત્રાલયના એક વરિષ્ઠ અધિકારીએ જણાવ્યું કે પગલાંનો ઉદેશ્ય દરેક ચેનલના દર્શકોને 'વધુ વિશ્વનિય' આંકડા (વ્યૂઅરશિપ ડેટા) એકત્ર કરવાનો છે. અધિકારીએ જણાવ્યું કે 'આના દ્વારા જાહેરાતકર્તાઓ અને ડીએવીપી પોતાની જાહેરાતો પર સમજી વિચારીને ખર્ચ કરી શકશે. ફક્ત તે ચેનલોને પ્રચાર મળશે જેમને વ્યાપક રીતે જોવામાં આવે છે.'' જાહેરાત અને વિઝ્યુઅલ પ્રચાર નિયામકની કચેરી (ડીએવીપી) વિભિન્ન મંત્રાલયો અને તેના સંગઠનોની જાહેરાતો માટે સરકારની નોડલ એજન્સી છે.

નવા પ્રસ્તાવમાં મંત્રાલયે ટ્રાઇને કહ્યું છે, ''પ્રસ્તાવ છે કે ડીટીએચ ઓપરેટરોને નવા સેટ ટોપ બોક્સમાં ચિપ લગાવવા માટે કહેવામાં આવશે, ચિપ જોવામાં આવતી ચેનલો અને તે કેટલીવાર સુધી જોવામાં આવી તેનો આંકડો આપશે.'' પ્રસ્તાવ ડાયરેક્ટ ટૂ હોમ લાઇસન્સ સંબંધિત ઘણા મુદાઓ પર ટ્રાઇ દ્વારા આપવામાં ભલામણો પર મંત્રાલયની પ્રતિક્રિયાનો ભાગ હતો.

અધિકારીએ જણાવ્યું કે મંત્રાલયને લાગે છે કે દૂરદર્શનની વ્યૂઅરશિપને ઓછી કરીને બતાવવામાં આવે છે અને ચિપ લગાવ્યા પછી ચેનલના અસલી વ્યૂઅરશિપના આંકડાઓની જાણકારી મળશે. પગલાંનો ઉદ્દેશ્ય દેશમાં બ્રોડકાસ્ટ ઓડિયન્સ રિસર્ચ કાઉંસિલ ઇન્ડીયા (બાર્ક)ના એકાધિકારને ખતમ કરવાનો છે. અધિકારીએ કહ્યું કે બાર્કનો પ્રકારનો કોઇ વિકલ્પ નથી. તે નથી જણાવતા કે વ્યૂઅરશિપના આંકડા તેણે કેવી રીતે એકઠા કર્યા. તેની પ્રક્રિયા શું છે અને સર્વેનો વિસ્તાર કયો છે.

(7:08 pm IST)
  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • રોટોમેક કૌભાંડ કેસમાં CBI એ બેન્ક ઓફ બરોડાના 6 ઓફિસરોની પૂછપરછ હાથ ધરી છે જેમાં કંપનીના પૂર્વ સીમેંદીઃ એમ,ડી માલ્યા ,અને બે પૂર્વ એક્ઝિ,ડાયરેક્ટર વી,સંથાનારમણ અને આર,કે,બક્ષીનો સમાવેશ થાય છે access_time 10:51 pm IST