Gujarati News

Gujarati News

News of Monday, 16th April 2018

આધાર કાર્ડ વેરીફીકેશન માટે ફેસ ઓથેન્ટીકેશન જુલાઈથી લોન્ચ થશે : સીનીયર સીટીઝન માટે રાહત

નવી દિલ્હી : આધારકાર્ડ વેરીફીકેશન માટે ૧ જુલાઈથી ફેસ ઓથેન્ટીકેશન સુવિધા યુઆઈડીએઆઈ દ્વારા શરૂ કરવામાં આવી રહી છે. જેનાથી સીનીયર સીટીઝનોને મોટી રાહત મળશે. હાલમાં ફીંગર પ્રિન્ટ વેરીફીકેશનમાં સીનીયર સીટીઝનને ખૂબ જ મુશ્કેલી પડે છે. જેથી ફિંગરપ્રિન્ટ મશીનમાં ઓથેન્ટીકેશન નથી થઈ શકતુ. જેથી સરકારી યોજનાનો લાભ લેવામાં પણ મુશ્કેલી પડી રહી છે. યુઆઈડીએઆઈ દ્વારા ૯ રાજયોના ૪૫૦૦ જેટલા સીનીયર સીટીઝનોનું ફેસ વેરીફીકેશન કરવામાં આવેલ જેમાં ૯૯ ટકા વેરીફીકેશન સફળતાપૂર્વક કરવામાં આવેલ. જયારે ફિંગરપ્રિન્ટ અને આંખની કીકીના વેરીફીકેશનનો રેસીયો ૯૫ ટકા રહ્યો હતો.

જો કે યુઆઈડીએઆઈએ આ ફીચરની અનુમતિ ફિંગર પ્રિન્ટ, આંખોની કીકી તથા ઓટીપીની સાથે જ આપવાની શરત રખાશે. ફકત ફેઈસ ઓથેન્ટીકેશન દ્વારા પ્રોસેસ પૂરી નહિં થાય. આ માટે સીનીયર સીટીઝનને બીજીવાર આધાર સેન્ટર જવાની જરૂર નહિં રહે. યુઆઈડીએઆઈ અન્ય વેરીફીકેશન માટે પોતાના ડેટા બેસનો ઉપયોગ કરશે.(૩૭.૭)

(12:51 pm IST)
  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • CNG ગેસના ભાવમાં વધારોપ્રતિ કિલો .2.15નો થયો વધારો :ઘરેલુ PNGના ભાવમાં રૂ.1.10નો વધારો: 18 એપ્રિલમધરાતથી થશે નવો ભાવ લાગુ: GSPCએ જાહેર કર્યો નિર્ણય: અદાણી ગેસ આવતીકાલે લેશે નિર્ણય access_time 1:29 am IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST