Gujarati News

Gujarati News

News of Monday, 16th December 2019

લંડનમાં પણ નાગરિકતા કાયદા સામે વિરોધ પ્રદર્શન : ભારતીય દૂતાવાસ બહાર દેખાવો

બ્રિટિશ અસમિયા સમુદાયના એક જૂથ દ્વારા પ્રદર્શન : નાગરિકતા કાયદાને મોદી સરકારની નિષ્ફળતા ગણાવી

લંડન:નાગરિકતા કાયદા પર દેશના કેટલાક ભાગોમાં હિંસક વિરોધ પ્રદર્શન થઇ રહ્યા છે, એવામાં તેની અસર લંડનમાં પણ જોવા મળી છે. લંડનમાં સ્થિત ભારતીય દૂતાવાસ બહાર કેટલાક લોકો દ્વારા નાગરિકતા કાયદાનો વિરોધ પ્રદર્શન કરવામાં આવ્યા હતા. પ્રદર્શનકારીઓએ નાગરિકતા કાયદાને મોદી સરકારની નિષ્ફળતા ગણાવી રહ્યા છે.

બ્રિટિશ અસમિયા સમુદાયના એક જૂથ દ્વારા શાંતિપૂર્ણ પ્રદર્શન કરવામાં આવ્યા હતા. પ્રદર્શનકારીઓએ અસમિયા અને અંગ્રેજી ભાષામાં લખેલા બેનર્સ સાથે પ્રદર્શન કર્યા હતા જેમાં લખ્યું હતું કે, સેવ ડેમોક્રેસી, સ્ટોપ કેબ.

આ સિવાય ઇન્ડિયન ઓવરસીઝ કોંગ્રેસની બ્રિટિશ શાખાએ નવી દિલ્હી સાથે-સાથે વિશ્વભરમાં ભારત બચાવો રેલીનું આયોજન કર્યું છે. કોંગ્રેસ પ્રદર્શનકારીઓ બેનર સાથે ઉભા રહ્યા હતા જેમાં લખ્યુ હતું બીજેપી મહિલાઓ અને ખેડૂતોની વિરુદ્ધ છે.

 ઇન્ડિયન ઓવરસીઝ કોંગ્રેસની બ્રિટિશ શાખાના પ્રમુખ કમલ ધાલીવાલે જણાવ્યું કે મોદી સરકારની ખોટી નીતિઓને કારણે અમારા સમુદાયના તમામ વર્ગો પીડિત છે. યુવાનો બેરોજગારીનો સામનો કરી રહ્યા છે. મહિલાઓેને સુરક્ષાની જરુરત છે, ખેડૂતોને તેમના પાકની યોગ્ય કિંમત નથી મળી રહી. મોદીજીએ ચૂંટણી દરમિયાન જે વચન આપ્યા હતા એ હવે જોવા નથી મળી રહ્યા.

(12:00 am IST)
  • દેશના ઉત્તર પૂર્વના રાજ્યોની મુલાકાત લેવાની અમિત શાહમાં હિંમત નથી : બાંગ્લાદેશના વિદેશ મંત્રી અને જાપાનના પ્રધાન મંત્રીની મુલાકાત પણ રદ કરવી પડી : દેખાવકારો ઉપર હિંસા આચરી માનવ અધિકારોનો ખુલ્લેઆમ ભંગ થઇ રહ્યો છે : નાગરિકતા સંશોધન બિલ મુદ્દે સોનિયા ગાંધીનો પ્રકોપ access_time 8:17 pm IST

  • અમદાવાદમાં મેટ્રો રેલના સળીયાની ચોરી કરતો એક યુવાન ઝડપાયો : બીજો ફરાર : મેટ્રો રેલની સાઇટ પર ફરી એક વખત ચોરીનો બનાવ બન્યો : સુપરવાઇઝર મનોજસિંઘ સ્ટાફ સાથે નાઇટ પેટ્રોલિંગમાં હતાં તે દરમિયાન પાલડી જલારામ મંદિર સામે એક યુવાન ચોરી કરતા ઝડપાયો access_time 12:28 am IST

  • લોકશાહીમાં વિરોધ કરવાનો અધિકાર છે પણ પબ્લિક પ્રોપર્ટીના ભોગે નહીં : સિટિઝનશીપ એક્ટ મામલે થઇ રહેલા તોફાનો દુર્ભાગ્યપૂર્ણ : આ ઍક્ટથી ભારતના કોઈપણ ધર્મના નાગરિકને કોઈ નુકશાન થવાનું નથી : વડાપ્રધાન શ્રી નરેન્દ્ર મોદીનું ટ્વીટ access_time 7:14 pm IST