Gujarati News

Gujarati News

News of Sunday, 16th December 2018

છત્તીસગઢના મુખ્યમંત્રી તરીકે ભુપેશ બઘેલ હશે

ભુપેશ બઘેલ પણ આજે શપથ લેશે

રાયપુર, તા. ૧૬ : લાંબા સસ્પેન્સ બાદ છત્તીસગઢના મુખ્યમંત્રી તરીકે ભુપેશ બઘેલના નામની જાહેરાત કરી દેવામાં આવી છે. મુખ્યમંત્રી પદની દોડમાં બઘેલ પહેલા નંબર ઉપર ચાલી રહ્યા હતા. મધ્યપ્રદેશ અને રાજસ્થાનના મુખ્યમંત્રી તરીકે કોણ રહેશે તેને લઇને પણ ભારે કવાયત ચાલી હતી. બંને રાજ્યોથી છત્તીસગઢનો નિર્ણય વધારે મુશ્કેલરુપ રહ્યો હતો. કારણ કે અહીં બે નહીં પરંતુ ચાર-ચાર દાવેદાર હતા. આખરે ભુપેશે બાજી મારી હતી. ભુપેશ પણ આવતીકાલે જ શપથલેનાર છે. ખેડૂત પરિવાર સાથે જોડાયેલા ભુપેશ રાજકીય વર્તુળોમાં પોતાના આક્રમક વલણના કારણે ઓળખાય છે. ૯૦ સીટોની છત્તીસગઢ વિધાનસભામાં કોંગ્રેસના ૬૮ સભ્યો જીત્યા છે. આ જીતની સાથે જ બઘેલની લોકપ્રિયતા વધી હતી. કારણ કે, વિધાનસભાથી લઇને સ્થાનિક ચૂંટણીમાં તેમની ભૂમિકા હતી.

(9:32 pm IST)
  • છોટાઉદેપુર :હાફેશ્વર પાણી પુરવઠા યોજનાના અધિકારીઓની બેદરકારી: કવાંટ તાલુકાના ડામોર ગામે નર્મદાના પાણી ની પાઇપ લાઇન ત્રણ દિવસથી લીકેજ :નર્મદાના હજ્જારો લીટર પાણીનો વેડ્ફાડ ખેડૂતોના ખેતરોમાં તેમજ રોડ પર ફરી વળ્યા પાણી :ત્રણ દિવસ થયા હજુ અધિકારી ફરક્યા નથી :સરકારની કરોડો રૂપિયાની પાણીની યોજના પાણીમા access_time 9:37 pm IST

  • વડોદરામાં માધવનગર અને કેશવ નગરના રહીશોએ કર્યો અનોખો વિરોધ: કોર્ટમાં કેસ લડવા માટેની ફીના પૈસા ઉઘરાવવા ભીખ માગીને કર્યો વિરોધ:આવાસોના મકાન ન મળતા કર્યો વિરોધ:વારંવાર કરવામાં આવી છે વુડાના ચેરમેન ,કલેક્ટર મ્યુનિસિપલ કમિશનરને રજૂઆત: વર્ષ 2013માં તૂટીને પડી ગયા હતા આવાસના મકાનો: વુડાએ કરી હતી૧૪ મહિનામાં નવા મકાનો આપવાની વાત: હજી સુધી નવા મકાનો ન મળતા રહીશો કરી રહ્યા છે વિરોધ access_time 9:35 pm IST

  • ઊના તાલુકા ના દેલવાડા ગામે ડીજે.ના ગોડાઊન માં ભીસણ આગ લાગતા રૂ .૪૦લાખ નુ નુકસાન આગ લાગવાનુ કારણ હજુ બહાર આવેલ નથી આગ ઓલાવા ઉના નગર પાલિકા પાણીનું ફાયર ટેન્કર પહોંચેલ છે access_time 3:01 pm IST