Gujarati News

 નવી દિલ્‍હી,તા.૧૬ : કોંગ્રેસની ભારત જોડો યાત્રા ૨૦મી નવેમ્‍બરે મધ્‍યપ્રદેશમાં પ્રવેશ કરશે. કન્‍યાકુમારીથી શરૂ થઈને આ યાત્રા કર્ણાટક, તેલંગાણા અને મહારાષ્‍ટ્ર થઈને મધ્‍યપ્રદેશની સરહદમાં પ્રવેશ કરશે.

 મધ્‍યપ્રદેશ કોંગ્રેસના સૂત્રોના જણાવ્‍યા અનુસાર આ મુલાકાત અંતર્ગત રાહુલ ગાંધી મધ્‍ય-દેશના બે જ્‍યોર્તિલિંગ મહાદેવ મંદિરોની મુલાકાત લેશે. આમાંથી એક ખંડવાનું ઓમકારેશ્વર મંદિર છે અને બીજું ઉજ્જૈનનું મહાકાલેશ્વર મંદિર છે.

 કોંગ્રેસ અધ્‍યક્ષ મલ્લિકાર્જુન ખડગે સહિત પાર્ટીના વરિષ્ઠ નેતાઓએ સોમવારે દિલ્‍હીમાં બેઠક યોજી હતી. આ દરમિયાન ભારત જોડો યાત્રાની વિસ્‍તળત સમીક્ષા કરવામાં આવી હતી, ત્‍યારબાદ સૂત્રોએ જણાવ્‍યું હતું કે ઉત્તર ભારતમાં યાત્રાની એન્‍ટ્રી સાથે પાર્ટી અન્‍ય વ્‍યૂહરચના હેઠળ કામ કરશે.

 સૂત્રોનું કહેવું છે કે રાહુલ ગાંધી અને અન્‍ય વરિષ્ઠ નેતાઓ ૨૫ નવેમ્‍બરે ઓમકારેશ્વર મહાદેવ મંદિરની મુલાકાત લેશે. રાહુલ ગાંધી ભારતના રોબિનહુડ તરીકે ઓળખાતા તાંત્‍યા ટોપેના મામાના જન્‍મસ્‍થળની પણ મુલાકાત લેશે.

 મધ્‍ય પ્રદેશ કોંગ્રેસના એક વરિષ્ઠ નેતાએ કહ્યું કે ખંડવાના ઓમકારેશ્વર મહાદેવના દર્શન કરવા ઉપરાંત રાહુલ ગાંધી ૨૫ નવેમ્‍બરે ખંડવાના બરોડા ગામની પણ મુલાકાત લેશે. આ તાંત્‍યા ટોપેના મામાનું જન્‍મસ્‍થળ છે.

 કોંગ્રેસ ૩૦ નવેમ્‍બરથી ૧ ડિસેમ્‍બર સુધી ઉજ્જૈનમાં શક્‍તિ પ્રદર્શન કરવાની યોજના બનાવી રહી છે. પાર્ટી મોટા પાયે જન સંવાદની પણ તૈયારી કરી રહી છે.

 રાહુલ ગાંધી ૨૮ અને ૨૯ નવેમ્‍બરે ઈન્‍દોરમાં પ્રેસ કોન્‍ફરન્‍સને પણ સંબોધિત કરી શકે છે. આ યાત્રા ૫ ડિસેમ્‍બરે રાજસ્‍થાનમાં પ્રવેશ કરશે.

મધ્‍યપ્રદેશ કોંગ્રેસના નેતાઓનું કહેવું છે કે આ યાત્રા માલવા બેલ્‍ટમાંથી પસાર થશે, જે વાસ્‍તવમાં આવતા વર્ષે યોજાનારી મધ્‍યપ્રદેશ વિધાનસભાની ચૂંટણીમાં રાજકીય પક્ષોના ભાવિનો નિર્ણય કરશે. રાજ્‍યમાં આવી ૨૨ વિધાનસભા બેઠકો છે, જે મુખ્‍યત્‍વે અનુસૂચિત જાતિ અને અનુસૂચિત જનજાતિ માટે અનામત છે.

 મધ્‍યપ્રદેશના એક ટોચના નેતાએ કહ્યું કે ભારત જોડો યાત્રા વિધાનસભા ચૂંટણીમાં મદદ કરશે. રાજ્‍યમાં આવતા વર્ષે વિધાનસભાની ચૂંટણી યોજાવા જઈ રહી છે. જણાવી દઈએ કે ભારત જોડો યાત્રા ૧૫ દિવસ મધ્‍ય -દેશમાં રહેશે. આ પછી, યાત્રાનું આગલું સ્‍ટોપ રાજસ્‍થાન હશે.