Gujarati News

Gujarati News

News of Friday, 16th November 2018

રાજસ્થાન માટે કોંગ્રેસે મોડી સાંજે જાહેર કરી પહેલી યાદીઃ ૧૫૨ ઉમેદવારોની જાહેરાત

ગેહલોત સરદારપુરાથી જયારે સચિન પાયલોટ ટોંકતી લડશે

 નવીદિલ્હીઃરાજસ્થાન વિધાનસભાની ચૂંટણી માટે કોંગ્રેસે આખરે પોતાની પહેલી યાદી જાહેર કરી દીધી છે. કેન્દ્રિય ચૂંટણી સમિતિની મોડી સાંજ સુધી ચાલેલી બેઠકમાં ૧૫૨ ઉમેદવારોના નામ પર મોહર મારવામાં આવી હતી. સચિન પાયલોટ ટોંક વિધાનસભા વિસ્તારથી ચૂંટણી લડશે, જયારે સરદારપુરાથી પૂર્વ મુખ્યમંત્રી અશોક ગેહલોક ઉમેદવાર તરીકે નક્કી થયા છે. આ સિવાય સીપી જોશીને નાથદ્વારાથી ટિકીટ આપવામાં આવી છે. રાજયની ૨૦૦ વિધાનસભા સીટો માટે બાકી ૪૮ ઉમેદવારોનો નામની જાહેરાત પણ પાર્ટી આજે શુક્રવાર સુધીમાં કરી શકે છે.

કોંગ્રેસે પહેલી યાદીમાં ૨ ધારાસભ્યોની ટિકીટ કાપી છે. ઝાડોલથી હીરાલાલ દરાંગી અને ટોડાભીમથી ધનશ્યામ મેહરનું આ વખતે પત્ત્।ું કપાયું છે. દરાંગીના સ્થાને ઝાડોલથી સુનિલ બજાત જયારે ટોડાભીમથી પૃથ્વીરાજ મીણાને ટિકીટ આપવામાં આવી છે. કોંગ્રેસને પહેલી યાદી બનાવવામાં ભારે મુસ્કેલીઓનો સામનો કરવો પડ્યો હતો. સવારથી ઉમેદવારોના નામને લઇને બેઠકોનો સિલસિલો યથાવત રહ્યો હતો. આખરે મોડી સાંજે  ઉમેદવારોની પહેલી યાદી બહાર પાડવામાં આવી હતી.

(1:43 pm IST)
  • આલોક વર્મા-રાકેશ આસ્‍થાના વિવાદ ઉપર સુપ્રીમમાં સુનાવણી access_time 12:56 pm IST

  • ટ્રોલી સાથે સળગતું ટ્રેક્ટર ઉતારી દીધું તળાવમાં : ખેડૂતની હિંમતે અનેક ઘરો તબાહ થતાં બચાવ્યાં : 28 વર્ષના યુવાને જીવ જોખમમાં મૂકીને ગામ આખાને આગની ઝપેટમાં આવતા બચાવ્યું access_time 12:37 pm IST

  • ડભોઇમાં ૩ વર્ષથી પગાર ન મળતો હોવાના આક્ષેપ સાથે બે કર્મચારીઓએ ઝેરી પાવડર ખાઇને કર્યો આપઘાતનો પ્રયાસ access_time 3:41 pm IST