Gujarati News

શ્યોપુર, તા.૧૫: મધ્યપ્રદેશના શ્યોપુર જિલ્લામાં શનિવારે એક આશ્ચર્યજનક દ્યટના બની છે. જે બાદ જિલ્લામાં ચાલતા તમામ ઓનલાઈન કલાસ બંધ કરવાની માંગ ઉઠી છે. ધોરણ-૮ના વિદ્યાર્થીઓના ઓનલાઈન કલાસ વોટ્સએપ ગ્રુપ પર ચાલી રહ્યો હતો. આ દરમિયાન અચાનક ફોન પર પોર્ન ફિલ્મ શરુ થઈ ગઈ. જેના કારણે વાલીઓ દ્વારા હોબાળો કરવામાં આવ્યો હતો. આટલી ગંભીર ઘટના બન્યા પછી પણ સ્કૂલ દ્વારા પોલીસ ફરિયાદ જેવા પગલા ભરવામાં ના આવ્યા હોવાના કારણે વાલીઓ વધારે ગુસ્સામાં છે.

કોરોના મહામારીના કારણે સ્કૂલો બંધ છે આવામાં શ્યોપુરમાં બાળકોને ઓનલાઈન ભણાવવામાં આવી રહ્યા છે. શનિવારે અંગ્રેજીના કલાસ દરમિયાન બાળકો એ સમયે આશ્ચર્યમાં મૂકાઈ ગયા જયારે મોબાઈલ ફોન પર પોર્ન ફિલ્મ ચાલવા લાગી. આ કલાસ સ્કૂલના મેડમ લઈ રહ્યા હતા. જેવી બાળકોના વાલીઓની નજર ફોન પર પડી તો તેઓ ગુસ્સે થઈ ગયા. વાલીઓ દ્વારા સ્કૂલ દ્વારા થયેલી ભૂલ બદલ શિક્ષિકા સામે આકરા પગલા ભરવાની માંગ ઉઠી રહી છે.

નામ ન લખવાની શરતે એક વરિષ્ઠ અધિકારીએ જણાવ્યં કે, અમે તાત્કાલિક ઓનલાઈન કલાસ બંધ કરી દીધા. આ સ્કૂલમાં મોટાભાગના વિદ્યાર્થીઓ અધિકારીઓ અને બિઝનેસમેન પરિવારના છે. શ્યોપર મધ્યપ્રદેશના સરહદી જિલ્લાઓમાંથી એક છે, અહીં રાજસ્થાનના સવાઈ માધોપુર જિલ્લાની નજીક છે.

આ સ્કૂલના આચાર્ય રોહિત જોને કહ્યું કે આ ઘટના કેટલાક હેકર્સની કરતૂત છે. અમે તમામ ઓનલાઈન કલાસ રોકી દીધા છે. તમામ બાબતો યોગ્ય થયા બાદ કલાસ ફરી શરુ કરાશે. સાથે જ તેમણે જણાવ્યું કે હવે અમે ઓનલાઈન કલાસ સિકયોરિટીને વધારે મજબૂત બનાવીશું, જેથી ફરી આવી ઘટના ના બને. આ ઘટનાને લઈને રવિવારે NSUI દ્વારા પ્રદર્શન કરવામાં આવ્યું, સાથે સ્કૂલ મેનેજમેન્ટ સામે ફરિયાદ પણ કરવામાં આવી, આ સાથે જવાબદારોની ધરપકડ કરવામાં આવે તેવી માગણી પણ ઉઠી છે. કોતવાલી પોલીસ સ્ટેશનના રમેશ દાંડેએ કહ્યું કે આ દ્યણો જ સંવેદનશીલ મામલો છે. તપાસ માટે સિનિયર પોલીસ અધિકારીઓને જાણ કરવામાં આવી છે. જેઓ સ્કૂલના મેનેજમેન્ટ સાથે વાત કરી રહ્યા છે. સ્કૂલના મેનેજમેન્ટ દ્વારા આ અંગે હજુ સુધી કોઈ ફરિયાદ નોંધાવવામાં નથી આવી, જેના કારણે બાળકોના માતા-પિતા ગુસ્સામાં છે.