Gujarati News

નવી દિલ્હી :કોરોના મહામારીના કારણે દેશના બંદરો ઉપર કામકાજમાં ઘટાડો નોંધાયો છે. ઇન્ડિયન પોર્ટ એસો,ના આંકડા મુજબ દેશમાં ગતવર્ષની સરખામણીએ બંદરોના વેપારમાં ૧૬.૫૬ ટકાનો ઘટાડો નોંધાયો છે. ગતવર્ષના ૨૯.૩૬૭ કરોડ ટન લોડિંગ - અનલોડિંગ સામે ચાલુ વર્ષે માત્ર ૨૪.૫૦૪ કરોડ ટન માલસમાનની હેરફેર કરાઈ છે

   ભારતમાં મહત્તમ ૬૧ ટકા આયાત- નિકાસ દીનદયાલ પોર્ટ કંડલા, મુંબઈ , જેએનપીટી , મોર્મુગાવ,ન્યુ મંગલુરુ, કોચ્ચી,ચેન્નઈ,કામરાજાર,વી ઓ ચિદમ્બરનાર, વિશાખાપટનમ, પ્રદીપ અને કોલકાતા આ ૧૨ પોર્ટ મારફતે કરાય છે. નાણાકીય વર્ષ 2019-20 આ બંદરોએ કુલ 70.5 કરોડ ટન કાર્ગો હેન્ડલ કર્યું હતું.કોરોના મહામારી દરમ્યાન કન્ટેનર્સ , કોલસો અને પેટ્રોલિયમ કાર્ગોમાં મોટો ઘટાડો થઈ રહ્યો છે.

   સૌથી વધુ અસર ચેન્નઈ, કોચ્ચી અને કામરાજાર પોર્ટ ઉપર દેખાઈ રહી છે જ્યાંનો વેપાર ૩૦ ટકા સુધી ઘટ્યો છે જેએનપીટી , કોલકાતા અને મુંબઈના વેપારમાં પણ ૨૦ રક સુધી નકારાત્મક અસર જોવા મળી છે. કેન્દ્ર સરકાર સંચાલિત આ તમામ પોર્ટની નબળી પડતી હાલત અર્થતંત્ર માટે પણ ચિંતાનો વિષય બની રહ્યો છે