Gujarati News

તેહરાન : ગત જાન્યુઆરી માસમાં અમેરિકાએ ઇરાનના જનરલ કાસીમની હત્યા કરી હતી.જેનો બદલો લેવા ઈરાન તલપાપડ થઇ રહ્યું છે તેવું અમેરિકાની ડિટેક્ટિવ એજન્સીએ જણાવ્યું છે.
એજન્સીએ સરકારને ચેતવણી આપતા જણાવ્યું છે કે ઈરાન સાઉથ આફ્રિકા ખાતેના તેમના રાજદૂત લાના માર્ક્સ ઉપર હુમલો કરવાની ફિરાકમાં છે.
જો આ હુમલો થશે તો અમેરિકા અને ઈરાન વચ્ચેના સબંધો વધુ બગાડવાની ભીતિ સેવાઈ રહી છે.જેની અસર સમગ્ર એશિયા ઉપર પડી શકે છે તથા યુદ્ધ ફાટી નીકળી શકે છે.
આ સંજોગોમાં અમેરિકાએ તેમના રાજદૂતની સુરક્ષામાં વધારો કરી દીધો છે. તેવું સમાચાર સૂત્રો દ્વારા જાણવા મળે છે.