Gujarati News

Gujarati News

News of Friday, 14th September 2018

૧ કરોડ યુવાનોને નોકરી આપશે મોદીઃ

૧ લાખ કરોડનો થશે ખર્ચઃ બનાવશે મેગા એમ્પ્લોયમેન્ટ ઝોનઃ કોંગ્રેસ સહિતના વિપક્ષોની બોલતી બંધ કરશે સરકાર

નવી દિલ્હી, તા. ૧૪ :. આવતા વર્ષે લોકસભા ચૂંટણી થવાની છે. વડાપ્રધાન મોદી નોકરીઓના મુદ્દે વિરોધ પક્ષોના નિશાન પર છે. તેમણે ૨૦૧૪ની ચૂંટણીમાં દર વર્ષે ૨ કરોડ નોકરીઓ આપવાનું વચન આપ્યુ હતું, એટલે ચૂંટણીના વર્ષમાં મોદી સરકારે એક કરોડ યુવાનોને નોકરી આપવાની પહેલ શરૂ કરી છે. જેના માટે એક લાખ કરોડ રૂપિયા ખર્ચાશે તેવુ અનુમાન છે.

ઈકોનોમીક ટાઈમ્સ અનુસાર સરકાર રાષ્ટ્રીય સ્તરે મેગા એમ્પ્લોયમેન્ટ ઝોન બનાવવાની તૈયારીમાં છે જે આવતા ૩ વર્ષમાં પ્રત્યક્ષ કે અપ્રત્યક્ષ રીતે એક કરોડ યુવાઓને રોજગાર આપશે. નોકરી આપવાનું આ સૂચન નિતી આયોગની સલાહ પર શિપિંગ મંત્રાલય તરફથી આવ્યું છે.

યોજના અનુસાર શિપિંગ મંત્રાલયે દરીયા કિનારાવાળા રાજ્યોમાં ૧૪ નેશનલ એમ્પ્લોયમેન્ટ ઝોન સ્થાપિત કરવાનો પ્રસ્તાવ મુકયો છે. જેમાં ફુડ, સિમેન્ટ, ફર્નિચર અને ઈલેકટ્રોનીકસ સેકટર ઉપરાંત પરંપરાગત રીતે કપડા, ચામડુ અને જેમ્સ, જ્વેલરી સેકટર સામેલ છે, એટલે નોકરીઓ આ જ સેકટરની હશે. યોજના અનુસાર આ ઝોનમાં ઈન્ફ્રાસ્ટ્રકચરના વિકાસ માટે લગભગ ૧ લાખ કરોડનો ખર્ચ થશે. જે કેન્દ્ર અને સંબંધીત રાજ્ય સરકારો ભોગવશે. બધા સંબંધીત રાજ્યોમાં ઝોનની સ્થાપના માટે લગભગ ૨૦૦૦ એકરની જમીનની પણ જરૂર પડશે.(૨-૫)

(12:02 pm IST)
  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST