Gujarati News

Gujarati News

News of Friday, 14th September 2018

યુપી : હિઝબુલનો કુખ્યાત ત્રાસવાદી આખરે પકડાયો

ઝડપાયેલા ત્રાસવાદી પાસેથી એકે ૪૭ મળી : થોડાક દિવસ પૂર્વે એક મંદિરમાં રેકી કરીને આવ્યો હતો

લખનૌ, તા. ૧૩ : ઉત્તરપ્રદેશ પોલીસે મોટી સફળતા હાંસલ કરી છે. પોલીસની આતંકવાદ વિરોધી ટુકડીએ ખતરનાક આતંકવાદીને પકડી પાડ્યો છે. પાકિસ્તાની આતંકવાદી સંગઠન હિઝબુલ મુઝાહિદ્દીનના કુખ્યાત ત્રાસવાદીને પકડી પાડવામાં સફળતા મળી છે. ઉત્તરપ્રદેશના ડીજીપી ઓપીસિંહે માહિતી આપતા કહ્યું છે કે, આજે આ ધરપકડ ઉત્તરપ્રદેશના કાનપુર શહેરમાંથી કરવામાં આવી હતી. આ આતંકવાદી ગણેશ ઉત્સવ દરમિયાન હુમલા કરવાની યોજના બનાવી રહ્યો હતો. આ આતંકવાદીએ સોશિયલ મિડિયા ઉપર એકે ૪૭ની સાથે પોતાનો ફોટો પણ મુક્યો હતો. જમ્મુ કાશ્મીરમાં સક્રિય આ આતંકવાદી સંગઠનના લીડરનું નામ કમર ઉજ જમા છે. તે મુળરીતે આસામના નૌગામનો નિવાસી છે. પોલીસનું કહેવું છે કે, હિઝબુલે તેને આ ક્ષેત્રમાં આતંકવાદી ગતિવિધિની તૈયારી કરવા માટેની જવાબદારી સોંપી હતી. પ્રાથમિક પુછપરછમાં આ શખ્સે કબૂલાત કરી છે કે, તે હિઝબુલનો સક્રિય સભ્ય તરીકે છે. જમ્મુ કાશ્મીરના કિસ્તવારમાં તેની ટ્રેનિંગ થઇ હતી. ઓપી સિંહનું કહેવું છે કે, તેના મોબાઇલમાંથી એક વિડિયો પણ મળી આવ્યો છે જેનાથી જાણવા મળે છે કે, તે કાનપુરમાં એક મંદિરમાં રેકી પણ કરીને આવ્યો હતો અને ત્યાં હુમલો કરવાનીયોજના બનાવી રહ્યો હતો. ઓપી સિંહનું કહેવું છે કે, ભારતીય હોવાના પરિણામ સ્વરુપેહિઝબુલ મુઝાહિદ્દીને તેનેખાસ જવાબદારી સોંપી હતી.કોઇના ઉપર શંકા ન થાય તે માટે તે કામ કરી રહ્યો હતો. એનઆઈએ પાસેથી મળેલી બાતમીના આધારે આ આતંકવાદીને એટીએસ દ્વારા પકડી પાડવામાં આવ્યો છે.

(7:25 pm IST)
  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST

  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST