Gujarati News

Gujarati News

News of Friday, 14th May 2021

રજાઓ ગાળવા બાય રોડ ગોવા જઈ રહેલા પૃથ્વી શોને અંબોલી પોલીસે અટકાવ્યો :કાર્યવાહી બાદ જવા દીધો

પૃથ્વી શો કોલ્હાપુરના રસ્તે પોતાની કાર દ્વારા ગોવા જતો હતો :મહારાષ્ટ્રમાં મુસાફરી કરવા માટે ઈ-પાસની વ્યવસ્થા: ઈ-પાસ નહીં હોવાને લઈને પોલીસે એક કલાક રોકી રાખ્યો

મુંબઈ :દિલ્હી કેપિટલ્સનો ઓપનર બેટ્સમેન પૃથ્વી શો આઈપીએલ સ્થગીત થવા બાદ ગોવામાં રજાઓ ગાળવા માટેનો પ્લાન બનાવ્યો છે. પૃથ્વી શો બાય રોડ ગોવા જઈ રહ્યો હતો. આ દરમ્યાન મહારાષ્ટ્રમાં અંબોલીમાં પોલીસે તેને અટકાવ્યો હતો.

તેની પાસે ઈ-પાસ નહોતો અને તે ગોવા માટે બાય રોડ જઈ રહ્યો હતો. જેને લઈને પોલીસે તેને અટકાવ્યા બાદ આગળ જવા દેવાને બદલે અંબોલીમાં જ રોકી રાખ્યો હતો. હાલમાં કોરોનાની બીજી લહેર દરમ્યાન હાલમાં લોકડાઉન લાગુ કરવામાં આવેલુ છે.

પૃથ્વી શો કોલ્હાપુરના રસ્તે પોતાની કાર દ્વારા ગોવા જવા માટે પ્લાન બનાવ્યો હતો. મહારાષ્ટ્રમાં મુસાફરી કરવા માટે ઈ-પાસની વ્યવસ્થા કરવામાં આવેલી છે

જોકે પૃથ્વી શો પાસે ઈ-પાસ નહીં હોવાને લઈને પોલીસે એક કલાક જેટલો સમય તેને રોકી રાખ્યો હતો. પૃથ્વીએ ઓનલાઈન ઈ-પાસ માટે કાર્યવાહી કરી હતી, ત્યારબાદ પોલીસે તેને આગળ જવા માટે પરવાનગી આપી હતી.

તાજેતરમાં પૃથ્વી શોને ઈંગ્લેન્ડ પ્રવાસ માટે ટીમ ઈન્ડીયામાં સામેલ કરવામાં આવ્યો નથી. તેણે ઓસ્ટ્રેલીયા પ્રવાસ દરમ્યાન ટેસ્ટ સિરીઝમાં ખરાબ બેટીંગ કરવાને લઈને ટીમની બહાર કરી દેવાયો હતો. જોકે 21 વર્ષીય પૃથ્વી શોએ વિજય હજારે ટ્રોફીમાં શાનદાર પ્રદર્શન કર્યુ હતુ.

તેમજ આઈપીએલમાં પણ દિલ્હી કેપિટલ્સ વતી રમતા 8 મેચમાં 308 રન કર્યા હતા. વિજય હજારે ટ્રોફીમાં 800થી વધારે રન કર્યા હતા. તેને ઈંગ્લેન્ડ પ્રવાસ માટે પસંદ નહીં કરવાનું કારણ પણ તેની ફિટનેસ દર્શાવાયુ હતુ.

(12:43 am IST)
  • ૨૮મીએ સવારે જીએસટી કાઉન્સિલની બેઠક : ૨૮ મેના સવારે ૧૧ વાગે નાણામંત્રી નિર્મલા સીતારમણના અધ્યક્ષ સ્થાને ૪૩ મી જીએસટી કાઉન્સિલની બેઠક મળશે. access_time 3:22 pm IST

  • પૂ. ભાઈશ્રી શ્રી રમેશભાઈ ઓઝા ના અવસાનના તદ્દન ખોટા સમાચાર સોશ્યલ મીડિયા પર કોઈ અરાજકતાવાદી તત્વોએ ફેલાવ્યા : વિખ્યાત લેખક જય વસાવડા અને શ્રી સાંઈરામ દવે એ પોરબંદર સ્થિત સાંદિપની આશ્રમ ખાતે જાતે કરી છે ખરાઈ : પૂ. ભાઈશ્રી છે સંપૂર્ણ સ્વસ્થ access_time 12:18 am IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST