Gujarati News

Gujarati News

News of Friday, 15th March 2019

ભારત તથા અમેરિકા વચ્ચે વ્યાપારની વિપુલ તકો છે : યુ એસ.ની ગ્લોબલ કંપનીઓ તથા રોકાણકારોએ ભારતમાં જુદા જુદા ક્ષેત્રે 50 બિલિયન ડોલરનું રોકાણ કર્યું છે : અમેરિકા ખાતેના ભારતના નવનિયુક્ત એમ્બેસેડર શ્રી હર્ષવર્ધન શ્રીંગલા

કેલિફોર્નિયા :  અમેરિકા ખાતેના ભારતના નવનિયુક્ત એમ્બેસેડર શ્રી હર્ષવર્ધન શ્રીંગલાએ તાજેતરમાં 3 માર્ચના રોજ કેલિફોર્નિયામાં આવેલા સાન ફ્રાન્સિસ્કો બે એરિયાની મુલાકાત લીધી હતી.જ્યાં તેમણે ઇન્ડિયન અમેરિકન બિઝનેસમેન તથા કોમ્યુનિટી અગ્રણીઓ સાથે ચર્ચા વિચારણાઓ કરી હતી.જે અંતર્ગત તેમણે જણાવ્યું હતું કે અમેરિકના રોકાણકારો માટે ભારતમાં જુદા જુદા ક્ષેત્રે રોકાણો કરવાની વિપુલ તકો છે.તેમણે ઉમેર્યું હતું કે યુ.એસ.ની ગ્લોબલ કંપનીઓ તથા રોકાણકારોએ ભારતમાં 50 બિલિયન ડોલરનું રોકાણ કર્યું છે.કારણકે ભારત દેશ વડાપ્રધાન શ્રી નરેન્દ્ર મોદીના નેતૃત્વ હેઠળ વિકાસ ક્ષેત્રે હરણફાળ ભરી રહ્યો છે.તેમ જણાવ્યું હતું

(7:35 pm IST)
  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST