Gujarati News

Gujarati News

News of Wednesday, 14th February 2018

જમ્મુ-કાશ્મીર-હિમાલયમાં બરફવર્ષા થતા ઠંડા પવનનું જોર વધ્યું

રાજકોટઃ આજે સવારથી સર્વત્ર વાતાવરણમાં પલ્ટા સાથે પવનનું જોર વધતા ઠંડીની અસર વર્તાઇ રહી છે.

છેલ્લા ૨૪ કલાકથી રાજ્યમાં તીવ્ર ગતિથી પવન ફુંકાઈ રહ્યો છે અંદાજે ૧૩ કિલોમીટર પ્રતિ કલાકની ઝડપે પવન ફુંકાયો હતો. જેના કારણે ઠંડીનો ચમકારો પણ અનુભવાઈ રહ્યો છે. તેમજ આકાશમાં સતત વાદળછાયુ વાતાવરણ રહે છે. આજે વહેલી સવારે તીવ્ર પવન સાથે ગાઢ ધુમ્મસ પણ જોવા મળ્યુ હતું. જેના કરણે વહેલી સવારે વાહનચાલકોને મુશ્કેલીનો સામનો કરવો પડ્યો હતો.

ધુમ્મસના કારણે કેટલીક જગ્યાએ અકસ્માત સર્જાયો હોવાનુ પણ સામે આવ્યુ છે. આગામી એકથી બે દિવસ સુધી રાજ્યમાં ઠંડા પવનનો આતંક યથાવત રહે તેવી શક્યતા છે. જમ્મુ કાશ્મીર સહિત હિમાલયના વિસ્તારમાં છેલ્લા દિવસથી સતત બરફવર્ષા થઈ રહી છે. જેના કારણે ઠંડા પવનોનુ જોર વધ્યુ હોવાનુ મનાઈ રહ્યુ છે. દરમિયાન રાજ્યના લઘુત્તમ તાપમાનમાં વધારો થતા ઠંડીનુ પ્રમાણ ઘટ્યુ છે.

પરંતુ ઠંડા પવનોના કારણે મોડી રાત્રે અને વહેલી સવારે ઠંડી અનુભવાય છે, જેના કારણે લોકોએ બેવડી ઋતુનો અનુભવ કરવો પડે છે. તેમજ સતત વાદળછાયા વાતાવરણના કારણે જીરુ, ઈસબગુલ, ઘઉં સહિતના રવિપાક પર પણ જોખમ ઉભુ થયુ છે.

(5:14 pm IST)
  • ગોવાના મુખ્યમંત્રી મનોહર પર્રિકરની તબિયત લથડી ;મુંબઈની લીલાવતી હોસ્પિટલમાં દાખલ કરાયા : access_time 1:08 am IST

  • જમ્મુ કાશ્મીરના મેઢરમાં આતંકીઓનો ઘુષણખોરીનો પ્રયાસ નિષ્ફળ ગયો : ભારતીય સેનાએ નિષ્ફળ બનાવ્યુ કાવતરૂ : આતંકી સરહદ પાર કરવાની ફિરાકમાં હતા access_time 12:24 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST