Gujarati News

અમેરિકામાં નોકરી ગુમાવનાર ભારતીયોએ ફેસબુક, લિન્‍કડિન, ટ્‍વીટર જેવા સોશ્‍યલ મીડીયામાં પોતાનો બાયોડેટા મુકીને ત્‍યાં રહેતા ભારતીયો, અમેરિકનોની નોકરી અપાવવા માટે મદદ માંગી છે. આવા નોકરીવાંચ્‍છુઓના સંદેશાઓમાં ઘણી દર્દભરી કહાનીઓ પણ રજૂ થઇ છે. પ્રોડકટર મેનેજર, સ્‍ટ્રેટેઝી અને માર્કેટિંગ સહિતના ક્ષેત્રે અનુભવ ધરાવતા એમબીએ, આઇઆઇટી જેવી ઉચ્‍ચ ડિગ્રી ધરાવતા ૧૦ વર્ષ ઉપરાંતનો અનુભવી ઉમેદવારોએ ૬૦ દિવસના ટૂંકા ગાળામાં કોઇ મદદ કરે તેવી અપીલ કરી છે.
આગામી વર્ષોમાં મંદીની અસર પડી શકે છે
આગામી વર્ષોમાં વૈશ્વિક મંદી આવી રહી હોવાનું અગ્રણી કંપનીઓના સીઇઓની ધારણા છે. જેના પગલે અમેરિકામાં H1B વિઝા હેઠળ જુદી-જુદી કંપનીઓમાં ફરજ બજાવતા સેંકડો ભારતીયોને અસર થઇ શકે તેવી શયકતા છે. આ સંજોગોમાં H1B વિઝા હેઠળ ફરજ બજાવનારાઓને જરૂરી આયોજન કરવું પડશે.