Gujarati News

કોંગ્રેસ અધ્યક્ષ રાહુલ ગાંધીએ છત્તીસગઢમાં ઝંઝાવાતી ચૂંટણી પ્રચાર કર્યો હતો  એક બાદ એક રાહુલ ગાંધીએ ચાર જેટલી ચૂંટણી સભાઓ સંબોધી હતી

   છત્તીસગઢના કોરબામાં સભાને સંબોધતા રાહુલે સત્તારૂઢ ભાજપ સરકાર પર 15 વર્ષના શાસનમાં રાજ્યને બરબાદ કરવાનો આરોપ લગાવ્યો. રાહુલે કહ્યું કે ભાજપની નીતિઓના કારણે અહીં લોકો ગરીબ છે. ઉદ્યોગોની સ્થાપના માટે આદિવાસી વિસ્તારોમાંથી સ્થાનિકોની જમીન લઇ લેવામાં આવી. પરંતુ ઉદ્યોગ લાગ્યા નહીં જમીન લોકોને પરત આપવામાં આવી નહીં.

   રાહુલે કહ્યું કે જો રાજ્યમાં કોંગ્રેસ સત્તા પર આવશે તો ભૂમિ અધિગ્રહણ કાયદો લાવશે અને ખેડૂતોને દેવાની માફી સાથે તેમના પાક માટે બોનસ અને લઘુતમ સમર્થન મૂલ્ય આપવામાં આવશે.