Gujarati News

Gujarati News

News of Friday, 14th May 2021

રજનીકાન્તે લીધી વેકિસન

ચેન્નાઇ, તા.૧૪: રજનીકાન્તે વેકિસન લીધી છે. ૭૦ વર્ષના રજનીકાન્તનો વેકિસન લેતો ફોટો તેમની દીકરી સૌંદર્યાએ શેર કર્યો હતો. ફોટોમાં રજનીકાન્તે માસ્ક પહેર્યો છે અને તેમની બાજુમાં તેમની દીકરી ઊભી છે. આ ફોટો વાઇરલ થતાં તેમના ફેન્સે 'થલાઇવાવેકિસનેટેડ' ટ્રેન્ડ શરૂ કરી દીધો હતો. રજનીકાન્તનો ફોટો ટ્વિટર પર શેર કરીને સૌંદર્યાએ ટ્વીટ કર્યું હતું કે 'અમારા થલાઇવાએ વેકિસન લઈ લીધી છે. ચાલો બધા સાથે મળીને આ લડાઈ લડીએ અને કોરોના વાઇરસનો સાથે મળીને સામનો કરીએ.

(3:10 pm IST)
  • છત્તીસગઢ સરકાર આ નાણાકીય વર્ષ દરમિયાન કોરોનાને લીધે તેમના માતાપિતા ગુમાવનારા તમામ બાળકોના શિક્ષણનો સંપૂર્ણ ખર્ચ ઉઠાવશે. આ ઉપરાંત 1 થી 8 ધોરણ સુધીના બાળકોને મહિનામાં 500 રૂપિયા અને નવમી થી બારમી સુધીના આવા બાળકોને દર મહિને 1000 રૂપિયાની શિષ્યવૃત્તિ પણ રાજ્ય સરકાર આપશે. access_time 11:27 pm IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • આજે પણ રાજકોટ શહેર - જિલ્લામાં કોરોનાનો કહેર યથાવત : આજે સાંજ સુધીમાં રાજકોટ શહેરમાં 316 અને ગ્રામ્યના 306 કેસ સાથે કુલ 622 નવા કોરોના ના કેસ નોંધાયા access_time 7:34 pm IST