Gujarati News

Gujarati News

News of Friday, 14th May 2021

દ્રોપદીએ બનાવી હતી સૌથી પહેલા પાણીપુરીઃ ચૌંકાવતું રહસ્ય

બાળક હોય કે વૃદ્ઘ સૌને પાણીપુરી ખુબ ભાવે છે પરંતુ તમને કયારેય એવો વિચાર આવ્યો કે પાણીપૂરીનો ઉદભવ કયારે થયો હતો : સૌથી પહેલા પાણીપુરી કોણે બનાવી હતીઃ મહાભારત સાથે છે સંબંધઃ પાણીપુરીનુ પ્રાચીન નામ ફુલ્કી કહેવામાં આવે છે

નવી દિલ્હી, તા.૧૪: પાણીપુરીને ભારતમાં અલગ અલગ નામથી ઓળખવામાં આવે છે. બતાશે, પાણીપુરી, પકોડી, પતાશે, ગુપચુપ, પુચકા, ફુલ્કી વગેરે નામથી પ્રસિદ્ઘ ચાટને પહેલી વાર દ્રોપદીએ બનાવી હતી.

ભારતમાં સ્ટ્રીટ ફૂડમાં ગજબની વેરાયટી જોવા મળે છે. અહીં પાણીપૂરીથી લઇને ટિક્કી સુધી અલગ અલગ પ્રકારની પકોડીઓ, મોમોઝ, દહીવડા વગેરે વસ્તુઓ મળે છે. દેશના અલગ અલગ હિસ્સામાં પાણીપુરીના અલગ સ્વાદને પસંદ કરવામાં આવે છે. કોઇ પાણીપુરીમાં બટાકા ભરે છે તો કોઇ ચણા અને વટાણા પસંદ કરે છે.

કોરોના સંક્રમણના કારણે લાઙ્ખકડાઉન થયુ હતુ જેના લીધે પાણીપુરી તો નહોતા ખાઇ શકતા પરંતુ તે જાણીને નોલેજમાં વધારો થઇ શકે છે કે પાણીપુરીનો આવિશ્કાર કેવી રીતે થયો અને કયાં થયો હતો.

જયારે દ્રોપદી પોતાના પતિઓ સાથે પહેલીવાર સાસરે આવી ત્યારે કુંતીએ તેને એવુ કંઇક બનાવવા માટે કહ્યું કે જેનાથી પાંડવોનું પેટ ભરાઇ જાય. ત્યારે દ્રોપદીએ પોતાની કળાથી પાણીપુરી તૈયાર કરી હતી. જેને ખાઇને પાંડવો ખુબ ખુશ થયા હતા ત્યારે કુંતિએ દ્રોપદીને અમરત્વનું વરદાન આપ્યુ હતુ.

ગ્રીક ઇતિહાસકાર Megasthenes અને ચીની બૌદ્ઘ યાત્રી Faxian અને Xuanzangનાપુસ્તકમાં પણ લખાયુ છે કે પાણીપુરી સૌથી પહેલા ગંગાના કિનારે વસેલા મગધ સામ્રાજયમાં બનાવવામાં આવી હતી.

માનવામાં આવે છે કે પાણીપુરીની શરૂઆત મગધથી થઇ હતી. આજે જેને દક્ષિણી બિહારના નામથી જાણવામાં આવે છે. તે સમયે તેનું નામ શું રહ્યું હશે તેનો તો કોઇને અંદાજો નથી પરંતુ દ્યણી જગ્યાઓએ તેનું પ્રાચીન નામ ફુલ્કીનો ઉલ્લેખ છે.

મેદસ્વિતાથઈ પીડિત લોકો માટે પાણીપુરી એક હેલ્ધી ઓપ્શન છે. જો તમે ડાયેટ પર છો અને વજન ઓછુ કરવા ઇચ્છો છો તો ૬ પાણીપુરીની પ્લેટ તમારુ વજન ઓછુ કરવામાં મદદ કરશે. તમને ખબર જ છે કે પકોડીનુ પાણી ચટપટુ હોય છે અને તેને ખાધા બાદ કલાકો સુધી ભૂખ લાગતી નથી. જેનાથી વજન દ્યટવામાં તમને મદદ મળશે.

ઘણા ડાયટીશીયન સલાહ આપે છે કે પાણીપુરી વજન ઓછુ કરવામાં ત્યારે જ મદદ કરશે જયારે દ્યરે બનેલી પાણીપુરી તમે ખાશો. ઘરે જો તમે ઘઉંની પુરીઓ તૈયાર કરી શકો અને તેને તેલમાં તળી તેમાં જ મસાલો એડ કરીને ખાશો તો તમને વજન ઓછુ થવામાં મદદ મળશે.

ઘરે તૈયાર કરેલા પાણીના ઘણા ફાયદા છે. કારણ કે ઘરના પાણીમાં તમે ફુદીનો, જીરુ અને હીંગ જેવી વસ્તુઓ એડ કરશો જે તમારા પાચન માટે સારુ છે. જો તમે તેમાં લીલા ધાણાનો ઉપયોગ કરશો તો શરીરમાં વધતા સોજાને તે રોકે છે. હીંગ મહિલાઓના પીરિયડ્સના દુઃખાવાને ઓછુ કરે છે. પકોડીના પાણીમાં ઘણા એવા ગુણ હોય છે.

(10:04 am IST)
  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • અમેરિકા : ન્યુ યોર્ક શહેર, કોરોના રોગચાળોનો સામનો કરવા માટે 4 મિલિયનથી વધુ COVID-19 ટેસ્ટ કિટ્સ, 3.00.000 પલ્સ ઓક્સિમીટર, લગભગ 300 વેન્ટિલેટર અને અન્ય રાહત સામગ્રીના સાધનો ભારત મોકલશે તેમ ન્યૂ યોર્ક મેયર ના પ્રેસ સેક્રેટરીએ જણાવ્યું છે. access_time 12:38 am IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST