Gujarati News

Gujarati News

News of Wednesday, 14th April 2021

સપાના અધ્યક્ષ અખિલેશ યાદવ કોરોના સંક્રમિત : આઇસોલેટ થયા

અખિલેશ યાદવ રવિવારે મહા કુંભ મેળામાં ગયા હતા અને જગતગુરુ શંકરાચાર્ય સ્વામી સ્વરૂપાનંદ સરસ્વતીના આશીર્વાદ લીધા હતા

નવી દિલ્હી :સમાજવાદી પાર્ટીના અધ્યક્ષ અખિલેશ યાદવ કોરોના સંક્રમિત થયા છે. તેમણે આ માહિતી ટ્વીટ કરી આપી છે. અખિલેશ યાદવે ટ્વિટ કર્યું હતું કે, 'મારો કોરોના ટેસ્ટ રિપોર્ટ હમણાં જ પોઝિટીવ આવ્યો છે. મેં મારી જાતને બધાથી દૂર કરી દીધી છે અને ઘરેથી જ સારવાર શરૂ થઈ છે. છેલ્લા કેટલાક દિવસોમાં જેઓ મારા સંપર્કમાં આવ્યા છે, તેઓને ખૂબ નમ્ર વિનંતી છે કે તેઓ પણ તેનો ટેસ્ટ કરાવે. 'તેઓને થોડા દિવસો માટે એકાંતમાં રહેવાની વિનંતી પણ કરવામાં આવી છે.'

અત્રે ઉલ્લેખનીય છે કે સમાજવાદી પાર્ટીના અધ્યક્ષ અખિલેશ યાદવ રવિવારે મહા કુંભ મેળામાં ગયા હતા. અહીં તેમણે જગતગુરુ શંકરાચાર્ય સ્વામી સ્વરૂપાનંદ સરસ્વતીનો આશીર્વાદ લીધા હતા.નરેન્દ્ર ગિરીના કોરોના રિપોર્ટ પોઝિટિવ આવ્યા બાદ તબિયત લથડી છે. તેમને હોસ્પિટલમાં દાખલ કરવામાં આવ્યા છે. રવિવારે મળેલી બેઠક દરમિયાન નરેન્દ્ર ગિરીએ અખિલેશને ફૂલોથી હાર પહેરાવી અને શાલ ઓઢાડીને આશીર્વાદ આપ્યા હતા.

(11:02 am IST)
  • ઉત્તર પ્રદેશના મુખ્યમંત્રી યોગી આદિત્યનાથને પણ કોરોના : યોગી આદિત્યનાથ સંક્રમિત થયા છે રિપોર્ટ પોઝીટીવ આવ્યો છેઃ મુખ્યમંત્રી કાર્યાલયમાં અનેક કર્મચારીઅોને કોરોના થતાં મુખ્યમંત્રી યોગી આદિત્યનાથ આઈસોલેટ થયા હતા access_time 1:18 pm IST

  • રાજકોટ ટ્રાન્સપોર્ટ એસોસીએશન દ્વારા ૩ દિવસ માટે સંપૂર્ણ લોકડાઉન કરવાનો નિર્ણય લેવાયો હોવાનું જાણવા મળે છે. તા. ૧૬ એપ્રિલથી ૧૮ એપ્રિલ ૨૦૨૧ સુધી રાજકોટમાં ૭૦૦ જેટલા ટ્રાન્સપોર્ટના ધંધાર્થીઓ તેનું બુકીંગ તથા ડિલીવરી બંધ રાખશે તેવુ રાજકોટ ટ્રાન્સપોર્ટ એસોસીએશનના પ્રમુખ હસુભાઈ ભગદેએ અકિલાને જણાવ્યુ હતું. વાહન વ્યવહાર ચાલુ રાખવામાં આવશે કે જેથી લોકોને જીવન - જરૂરીયાત વસ્તુઓની તંગી મહેસુસ ન થાય. ટ્રાન્સપોર્ટમાં આવેલ લોકોની જીવન જરૂરીયાતની વસ્તુઓની ડિલીવરી પણ સમયસર કરી આપવામાં આવશે તેવું પણ જણાવાયુ છે. access_time 12:35 pm IST

  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST