Gujarati News

Gujarati News

News of Sunday, 14th January 2018

સિક્કાના ઉપયોગ બંધ કરવાના સરકારના નિર્ણંયમાં પીછેહઠ : ટંકશાળોમાં ફરીથી ઉત્પાદન શરૂ

ટંકશાળોને તમામ પ્રકારના સિક્કાનું ઉત્પાદન કરવાનું કહેવાયુ ; કામ ધીમીગતિએ કરવા આદેશ

નવી દિલ્હી :સિક્કાનો ઉપયોગ સંપૂર્ણ રીતે બંધ કરવાના સરકારના નિર્ણંયમાં પીછેહઠ કરાઈ છે અને હવે સરકારે તેના આ નિર્ણયમાંથી પલટંતા ચાર ટંકશાળોમાં ફરીથી ઉત્પાદન કરવાનો નિર્ણય કર્યો છે. જોકે કામ ધીમી ગતિથી ફરી શરૂ કરવાનો આદેશ અપાયો છે ઉદ્યોગ જગતના સૂત્રોનુસાર આ જાણકારી પ્રાપ્ત થઇ છે.

  સરકારે કોલકાતા, મુંબઇ, નોઇડા અને હૈદરાબાદ સ્થિત ટંકશાળોમાં સંચાલન કરનાર સાર્વજનિક કંપની સિક્યોરિટી પ્રિન્ટિંગ એન્ડ માઇનિંગ કૉર્પોરેટશન ઑફ ઇન્ડિયા લિમિટેડ કહ્યુ કે, સામાન્ય રીતે બે શિફ્ટમાં કામ કરવાના બદલે એક જ શિફ્ટમાં સિક્કાનું ઉત્પાદન કરવામાં આવે.
  કોલકાતા ટંકશાળ કર્ચમારી સંગઠનના ઉપાધ્યક્ષે કહ્યુ કે, ''અમે શુક્રવારથી સિક્કા બનાવવાનું ઉત્પાદન શરૂ કર્યું છે અમને તમામ પ્રકારના સિક્કાનું ઉત્પાદન કરવાનું કહેવાયુ છે તેમણે જણાવ્યું હતું કે રિઝર્વ બેંકે વર્ષ 2017-18 માં 771.2 કરોડ સિક્કાનું ઉત્પાદન કરવાનું કહ્યું હતું. જેમાંથી 590 કરોડ સિક્કાનું મુદ્રણ થઇ ચૂક્યું છે ચાલુ વર્ષમાં બચેલા ફાઇનાન્શિયલ અઢી મહિનામાં ટંકશાળ આ લક્ષ્ય મેળવી લેશે એવી આશા છે.
સરકારે બજારમાં વધારે સિક્કા અને ભંડાર માટે પોતાની જગ્યાની ઉણપના કારણે 9 જાન્યુઆરીના રોજ સિક્કાનું ઉત્પાદન રોકવાનો નિર્ણય આપ્યો હતો.''

(6:51 pm IST)
  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:48 am IST

  • સંયુક્ત રાષ્ટ્ર સંઘમાં ભારતના સ્થાયી પ્રતિનિધિ સૈયદ અક્બરુદીનનું ટ્વીટર એકાઉન્ટ રવિવારે સવારે હૈક થયું છે. જોકે તેનાથી બેફિકર આ રાજદ્વારીએ કહ્યું હતું કે તેના ટ્વીટરને હૈક કરીને તેને જુકાવી શકાશે નહીં. અજાણ્યા હૈંકરોએ બે ફોટા અને એક વિડિઓ પોસ્ટ કરી છે અને અકબરૂદ્દીનના ટ્વીટર એકાઉન્ટના નામમાં @AkbaruddinIndia થી બદલીને R@AkbaruddinSyed કરી નાખ્યું છે. access_time 4:34 pm IST