Gujarati News

નવી દિલ્હી તા. ૧૩ :.. ચારે બાજૂથી ભીંસ અનુભવી રહેલા ભાજપના નેતાઓ વિસ્ફોટક નિવેદનોથી દૂર જતા નથી. બલિયાના ભાજપી ધારાસભ્ય સુરેન્દ્રસિંહ નિવેદન આપ્યું છે કે, ર૦૧૯માં યોજાનાર લોકસભાની ચૂંટણી ભગવાન વિરુધ્ધ ઇસ્લામનો જંગ હશે. આ ચૂંટણી ભારત વિરુધ્ધ પાકિસ્તાન જેવી બનશે.

સુરેન્દ્રસિંહ કહે છે કે, વિપક્ષ રાષ્ટ્ર વિરોધી છે. વિપક્ષના આકાઓ ઇસ્લામમાં બેઠા છે, અમૂકના આકા ઇટાલીમાં રહે છે. ભગવાન વિરુધ્ધ ઇસ્લામ જંગમાં ભારતીયો ભગવાનને જીતાડશે.

સુરેન્દ્રસિંહ અતિ વિવાદી નિવેદનો આપવાના માહેર છે. તેઓએ રાહુલ ગાંધી પર મર્યાદા મૂકીને ટિપ્પણી કરી હતી કે, રાહુલ રાજનૈતિક જર્સી ગાયનું વાછડું છે...! તેમનું અફેર ઇટાલીમાં ચાલે છે.