Gujarati News

નવી દિલ્હી: રિલાયન્સ જિયોએ પહેલા 4G VoLTE સાથે ભારતીય ટેલિકોમ ઈન્ડસ્ટ્રીમાં ધમાલ મચાવી દીધી, પછી ગયા વર્ષે 4G ફીચર ફોન લોન્ચ કરીને નવી ઉપલબ્ધિ મેળવી. લાઈફ સીરિઝના સ્માર્ટફોન માર્કેટમાં પહેલાથી જ ઉપલબ્ધ હતા. હવે કંપની સિમ કાર્ડ વાળા લેપટોપ લોન્ચ કરવાની તૈયારીમાં છે. સિમ કાર્ડ વાળા લેપટોપ લોન્ચ કરીને રિલાયન્સ જિયો એવરેજ રેવન્યુ પર યુઝર(ARPU) વધારશે.

મુકેશ અંબાણીના નેતૃત્વ વાળી Jio અમેરિકાની મોટી ચિપ મેન્યુફેક્ચરિંગ કંપની ક્વૉલકોમ સાથે વાતચીત કરી રહી છે. આ લેપટોપ Windows 10 OS પર કામ કરશે અને ઈન્ડિયન માર્કેટ માટે તેને બિલ્ટ-ઈન સેલ્યુલર કનેક્શન સાથે લોન્ચ કરવામાં આવશે. ક્વૉલકોમ પહેલાથી 4G ફીચર ફોન માટે Jio અને રિલાયન્સ રિટેલ સાથે કામ કરી રહી છે.

ક્વૉલકોમ ટેક્નોલોજીઝના પ્રોડક્ટ મેનેજમેન્ટ, સીનિયર ડિરેક્ટર Miguel Nunesએ ઈકોનોમિક ટાઈમ્સને જણાવ્યું કે, અમે જિયો સાથે વાતચીત કરી રહ્યા છીએ. તે અમારી પાસેથી ડિવાઈસ લઈને તેને ડેટા અને કન્ટેન્ટ સાથે બંડલ કરી શકે છે. આ સિવાય ચિપ મેન્યુફેક્ચરર Internet of Things બ્રાન્ડ સ્માર્ટ્રોન સાથે સેલ્યુલર કનેક્ટિવિટી વાળા સ્નેપડ્રેગન 835 વાળા લેપટોપ લાવવા પર પણ વાત કરી રહી છે. સ્માટ્રોને પણ આ વાતની પૃષ્ટિ કરી છે.

ઉલ્લેખનીય છે કે, Jio દેશભરમાં પોતાની સિસ્ટર કંપની રિલાયન્સ રિટેલના માધ્યમથી વાઈફાઈ ડોંગલ્સ, લાઈફ સ્માર્ટફોન અને 4G ફીચર ફોન વેચે છે. કાઉન્ટરપોઈન્ટના ડેટા અનુસાર, ભારતમાં લગભગ પચાસ લાખ લેપટોપ દર વર્ષે વેચવામાં આવે છે. તેમાંથી મોટાભાગના લેટોપને હોમ અથવા પબ્લિક વાઈ-ફાઈની મદદથી કનેક્ટ કરવામાં આવે છે.