Gujarati News

નવી દિલ્‍હી, તા.૧૩: જો તમે પણ મ્‍યુચ્‍યુઅલ ફંડ યોજનાઓમાં રોકાણ કર્યું છે, તો આ સમાચાર તમારા માટે છે. ૩૦ એપ્રિલ, ૨૦૨૩ એ KYC નોંધણી એજન્‍સીઓ (KRAs) દ્વારા ૧ નવેમ્‍બર, ૨૦૨૨ પહેલાં કરવામાં આવેલા મ્‍યુચ્‍યુઅલ ફંડ રોકાણકારોના આધાર દ્વારા KYC પુનઃપ્રમાણિત કરવાની છેલ્લી તારીખ છે.

માર્કેટ રેગ્‍યુલેટર સિકયોરિટીઝ એન્‍ડ એક્‍સચેન્‍જ બોર્ડ ઓફ ઈન્‍ડિયા (સેબી) દ્વારા આ સમયમર્યાદા ઘણી વખત લંબાવવામાં આવી છે. કેવાયસી અંગે સેબી દ્વારા જારી કરાયેલા પરિપત્રમાં કહેવામાં આવ્‍યું હતું કે જે ગ્રાહકોએ કેવાયસીના મુખ્‍ય દસ્‍તાવેજ તરીકે આધારનો ઉપયોગ કર્યો છે, તેઓએ ૧ નવેમ્‍બર, ૨૦૨૨ પછી ૧૮૦ દિવસની અંદર તેને ફરીથી માન્‍ય કરાવવું જોઈએ. અમને જણાવી દઈએ કે, અગાઉ સેબી દ્વારા KYCને પુનઃપ્રમાણિત કરવા માટેની કટ-ઓફ તારીખ ૧ જુલાઈ, ૨૦૨૨ નક્કી કરવામાં આવી હતી.

ગયા વર્ષે એપ્રિલમાં સેબી દ્વારા જારી કરાયેલા એક પરિપત્રમાં કહેવામાં આવ્‍યું હતું કે જે પણ ગ્રાહકોના રેકોર્ડ KRA દ્વારા સાચા નથી મળ્‍યા. KYC માન્‍ય કર્યા પછી જ તેમને બજારમાં વ્‍યવહાર કરવાની મંજૂરી આપવામાં આવશે.

બીજી બાજુ, જો KRA એ હજુ સુધી રોકાણકારોના KYCને પુનઃપ્રમાણિત કર્યું નથી. મ્‍યુચ્‍યુઅલ ફંડ વિતરક રોકાણકારોને તેમના કેવાયસીને પુનઃપ્રમાણિત કરવા માટે કહી શકે છે.

એકવાર તમારું પુનઃપ્રમાણ પૂર્ણ થઈ જાય. ત્‍યારબાદ KRA દ્વારા એક કોડ આપવામાં આવશે, જેની મદદથી ગ્રાહક KYC પ્રક્રિયાને પુનરાવર્તિત કર્યા વિના ગમે ત્‍યાં સરળતાથી એકાઉન્‍ટ ખોલી શકશે. તમને જણાવી દઈએ કે, મ્‍યુચ્‍યુઅલ ફંડ એ શેરબજારમાં રોકાણ કરવાની ખૂબ જ લોકપ્રિય રીત છે. આમાં તમે SIP અને લમ્‍પ સમ દ્વારા રોકાણ કરો છો. છેલ્લા કેટલાક વર્ષોમાં તે રોકાણકારોમાં વધુને વધુ લોકપ્રિય બન્‍યું છે.