Gujarati News

ચંદીગઢ,તા.૧૩: ભારતના કોમ્‍પ્‍ટ્રોલર એન્‍ડ ઓડિટર જનરલએ ચંદીગઢ પોલીસ કર્મચારીઓ દ્વારા મોટા પાયે છેતરપિંડીનો ખુલાસો કર્યો છે. ઓડિટમાં ખુલાસો થયો હતો કે કેવી રીતે પોલીસકર્મીઓ સરળ યુક્‍તિઓ દ્વારા તેમના ફાળવવામાં આવેલા ભથ્‍થાં કરતાં વધુ નાણાં મેળવતા હતા, જેનાથી તિજોરીને કરોડો રૂપિયાનું નુકસાન થયું હતું. ચંદીગઢ વહીવટીતંત્ર હેઠળના કેટલાક વિભાગોના નાણાંનું ઓડિટ કરવામાં આવ્‍યું હતું, જેમાં ગેરરીતિઓ મળી આવી હતી. CAGના રિપોર્ટ ૬ માર્ચે ચંદીગઢના પ્રશાસક બનવારીલાલ પુરોહિતને સુપરત કરવામાં આવ્‍યો હતો. રિપોર્ટ અનુસાર, ચંદીગઢ પોલીસનું કન્‍વેયન્‍સ ફાઇનાન્‍સ હેડ કોન્‍સ્‍ટેબલ માટે દર મહિને ૪૫૦ રૂપિયા અને કોન્‍સ્‍ટેબલ માટે ૪૦૦ રૂપિયા હતું, પરંતુ હેડ કોન્‍સ્‍ટેબલ અને કોન્‍સ્‍ટેબલની મુખ્‍ય રકમની સામે ૨૫ અને ૨૦ લખીને રૂ.૨૫,૪૫૦ અને રૂ. ૨૦,૪૦૦ મેળવતા હતા.