Gujarati News

નવી દિલ્‍હી તા. ૧૩ :  ગરમીઓમાં વીજળી સંકટથી નિપટવા માટે કેન્‍દ્ર સરકારે અત્‍યારથી જ મહત્‍વના પગલાંઓ ભરવાનું શરૂ કર્યું છે. કેન્‍દ્રીય ઉર્જા મંત્રાલયે વીજળીની વધતી માંગને પૂર્ણ કરવા માટે રેલવે, કોલસો અને નવીનીકરણીયની સાથે તૈયારીઓﾠશરૂ કરી દીધી છે. તેની સાથે જ દરેક સંયત્રોને પુરી ક્ષમતાથી ચલાવાના આદેશ આપવામાં આવ્‍યા છે. વીજળીની માંગને પૂર્ણ કરવા માટે કોલસો અને ગેસના દરેક સંયત્રોને ચલાવામાં આવશે.ﾠﾠ

હવામાન વિભાગે એપ્રિલ અને મેમાં રેકોર્ડબ્રેક ગરમી પડવાનો દાવો કર્યો છે. આ દરમ્‍યાનﾠવીજળીની માંગ પણ ચરમ પર પહોંચવાની સંભાવના છે. કેન્‍દ્રીય વિદ્યુત પ્રાધિકરણના કહ્યા મુજબ, એપ્રિલમાં વીજળીની સર્વાધિક માંગ ૨૨૦ ગિગાવોટ સુધી પહોંચી જાય છે. દર વર્ષે ગરમીમાંﾠવીજળીની માંગ અત્‍યંત રહે છે. તેમાં દર વર્ષે ૧૦ ટકાનોﾠવધારો જોવા મળે છે. વર્તમાનમાં ૨૧૦ ગીગાવોટ વીજળીની માંગ છે. ઉર્જા મંત્રી આર.કે.સિંહે વીજળીની કંપનીઓને આદેશ આપ્‍યા કે ગરમીના મહિનાઓમાં લોડ શેડિંગ હોવી જોઈએ નહીં.ﾠﾠﾠ ﾠ

રેલ મંત્રાલયેﾠસીઆઇએલ, જીએસએસ અને તેમનાﾠનેતૃત્‍વ હેઠળની કોલસાની વિવિધ સહાયક કંપનીઓને ૪૧૮ રેક ઉપલબ્‍ધ કરવા અંગેની મંજરીﾠઆપી છે. રેલ મંત્રાલયેﾠકહ્યું છે કે જરૂર થવા પર રેકોની સંખ્‍યા વધારવામાં આવશે. જો કે વીજળી સંયત્રોમાં પર્યાપ્ત સ્‍ટોક રાખી શકાય. રેલવેએ ગયા વર્ષના ૩૪૪ રેક પ્રતીદીનનીﾠસરખામણીએ ૪૦૮ રેક પ્રતિદિન આપવાનું શરૂ કર્યું છે. ફેબ્રુઆરી -૨૦૨૨માં ૩૯૯ રેક પ્રતિદિનની સરખામણીએ ફેબ્રુઆરી -૨૦૨૩માં વીજળી સંયત્રોﾠમાટે પ્રતિદિન ૪૨૬.૩ રેક મોકલવામાં આવી.ﾠ ﾠ

ઉર્જા મંત્રાલય મુજબ વીજળીની માંગનેﾠપૂર્ણ કરવા માટે ગેસ આધારિત સંયંત્રોનો ઉપયોગ થશે.મંત્રાલયે એનટીપીસીનેﾠએપ્રિલ-મેમાં ૫૦૦૦ મેગાવોટવાળાﾠગેસ આધારિત વીજળી સંયંત્ર ચાલુ કકરવા માટે કહ્યું છે. આ ઉપરાંત અન્‍ય સંસ્‍થાન પણ ૪૦૦૦ મેગાવોટ વીજળીનો ગેસ આધારિત સંયંત્રોﾠદ્વારા ઉત્‍પાદન કરશે.

દેશભરમાં એપ્રિલમાં તાપમાનમાં વધારો થાય છે. તેનાથી વીજળીની માંગ ઉચ્‍ચતમ સ્‍તર પર પછી જાય છે. ત્‍યારબાદ દેશના દક્ષિણી ભાગથીﾠમોનસુન પ્રવેશ કરવા લાગે છે. આવતા ત્રણ ચાર મહિનામાં દેશભરમાં મોનસુન છવાય જાય છે. મોનસુનﾠઆવતાની સાથે જ વીજળીની માંગ ઓછી થવા લાગે છે.