Gujarati News

નવી દિલ્હીઃ ભારતીય રેલવેએ એપ્રેન્ટિસ માટે 422 જગ્યાઓ ભરવા નોકરી કાઢી છે. 10ધોરણ અને ITI પાસ ઉમેદવાર માટે કોરોના વાઇરસના સમયમાં નોકરીની તકો છે.

દક્ષિણ-પૂર્વ મધ્ય રેલવે (SECR)એ એપ્રેન્ટિસના વિવિધ પદ માટે ભરતી કાઢી છે. તેના માટેનું જાહેરનામુ બહાર પડી ગયું છે. 1 ઓગસ્ટથી અરજીઓ મંગાવવાની શરૂઆત પણ થઇ છે.  રેલવેની આ નોકરીઓની સંપૂર્ણ માહિતી મુજબ ભરતી SECRના બિલાસપુર ડિવિઝનમાં કરાશે.

આ ભરતી માટે અરજીની પ્રક્રિયા ઓનલાઇન છે. જેની શરૂઆત 1 ઓગસ્ટથી થઇ ગઇ છે. અરજી કરવાની છેલ્લી તારીખ 30 ઓગસ્ટ 2020 (રાત્રે 11.59 વાગ્યા સુધી) છે.

જરુરી લાયકાત

રેલવેની આ નોકરી મેળવવા માટે અરજદાર ઉમેદવારે ધો. 10 પાસ કરેલું હોવું જરુરી છે. સાથે સંબંધિત ટ્રેડમાં આઇટીઆઇ સર્ટિફિકેટ પણ હોવું જરુરી છે.
ઇચ્છુક ઉમેદવાર https://apprenticeshipindia.org/ વેબસાઇટ પર જઇ અરજી કરી શકે છે.