Gujarati News

Gujarati News

News of Friday, 12th July 2019

માનવતાની મિસાલ રજૂ કરતી ભારતીય સેનાઃ પાક.ને સોંપ્યો બાળકનો મૃતદેહ

બાળકના માતા-પિતાએ ભારતીય સેનાનો આભાર માન્યો છે

શ્રીનગર, તા.૧૨: જમ્મૂ-કાશ્મીરઃ માનવીયતાની મિસાલ પેશ કરતા નિર્ધારિત પ્રોટોકોલ તોડીને ભારતીય સેનાએ ૮ વર્ષના બાળકનો મૃતદેહ પાકિસ્તાનને સોંપ્યો છે. આપને જણાવી દઈએ કે પાકિસ્તાનના પીઓકે વિસ્તારમાંથી ગુમ થયેલા બાળકનો મૃતદેહ બાંદીપુરા જિલ્લાના ગુરેજ કિશન ગંગા નદીમાંથી મળ્યો હતો. બાળકની ઓળખ આબિદ શેખના રુપમાં થઈ છે. બાળકના માતાપિતાએ ભારતીય અધિકારીઓ પાસેથી બાળકના મૃતદેહને સોંપવાની અપીલ કરી હતી.

પ્રાપ્ત વિગતો અનુસાર કેટલાક સ્થાનિક લોકોને ગુરેજના અચૂરા ગામમાં ભારત અને પાકિસ્તાન વચ્ચે વહેતી કિશનગંગા નદીમાં એક બાળકનો મૃતદેહ તરતો દેખાયો. ભારતીય સેનાના જવાનોએ આ મૃતદેહને બહાર કાઢ્યો અને તેની ઓળખ કરતાં માલૂમ પડયું કે તે પાકિસ્તાનનો રહેવાસી છે.

ભારતીય સીમામાં વહીને આવી ગયો હતો આ બાળકનો મૃતદેહ. ત્યારબાદ ભારતીય સેનાએ પાકિસ્તાનને હોટલાઈન પર આની સૂચના આપી હતી. ત્યારબાદ બાળકના પરિજનોએ ભારતથી તેનો મૃતદેહ પાછો મોકલવા માટે આગ્રહ કર્યો હતો. પ્રાપ્ત વિગતો અનુસાર પાકિસ્તાનમાં ગિલગિટના મૂળ નિવાસી બાળકને ગુરેજ કસ્બામાં કિશનગંગા નદીમાંથી તેના મૃતદેહને કાઢવામાં આવ્યો છે.

તેના માતાપિતાએ સોશિયલ મીડિયા પર ભારતીય અધિકારીઓને તેનો મૃતદેહ પાછો મોકલવા માટે અપીલ કરી હતી. ત્યારબાદ માનવીય આધાર પર તાત્કાલિક કાર્યવાહી કરતા ભારતીય સેનાએ મૃતદેહને સોંપવાનો નિર્ણય કર્યો. બાળકના માતા-પિતાએ ભારતીય સેનાનો આભાર માન્યો છે.

(10:15 am IST)
  • આસામના ૧૭ જીલ્લામાં પુરપ્રકોપઃ૪ લાખ લોકો માઠી અવસ્થામાં : પૂર્વોતર રાજય આસામમાં ર૩ જીલ્લા પૈકી ૧૭માં પુરઃ ૪.ર૩ લાખ લોકોને માઠી અસરઃ આ લોકો સામે પાણી-ભોજનનું સંકટઃ ભારે વરસાદ-પુરથી ૩ ના મોતઃ ૧૧ જીલ્લાઓમાં પુરઃ ઠેરઠેર રાહત-શિબીરો ઉભી કરાઇ access_time 3:59 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST