Gujarati News

Gujarati News

News of Friday, 12th July 2019

કેન્‍દ્ર સરકાર દ્વારા સસ્‍તા ભાવે સોનુ ખરીદવા સોવરિન ગોલ્ડ બોન્ડ યોજના અમલમાં

નવી દિલ્હી: નાણામંત્રી નિર્મલા સીતારમણે 5 જુલાઇએ બજેટ રજુ કરતાં સોના પર આયાત શુલ્ક 10 ટકાથી વધારી 12.5 ટકા કરી છે. આયાત શુલ્ક વધવાને કારણે સોનાની કિંમતમાં ઉછાળો આવ્યો છે. સરકારનો હેતુ સોનાની આયાત ઓછી કરવાનો છે. બીજી તરઉ સરકાર તમને સોનું ખરીદવાનો સુંદર અવસર આપી રહી છે. મોદી સરકારે સોવરિન ગોલ્ડ બોન્ડ (SGB) યોજના શરૂ કરી છે. જે તમને બજાર કરતાં ઓછા ભાવે સસ્તુ સોનું આપી રહી છે. કિંમત રિઝર્વ બેંક દ્વારા નક્કી કરવામાં આવી છે.

જોકે યોજનામાં તમને સોનું મળતું નથી પરંતુ એના બદલે રિઝર્વ બેંક ઓફ ઇન્ડિયા દ્વારા તમને ગોલ્ડ બોન્ડ આપવામાં આવે છે. રોકણા માટે સૌથી સારો ઓપ્શન છે. સબ્સક્રિપ્શન પીરિયડ 12 જુલાઇ સુધી છે. યોજના અંતર્ગત એક ગ્રામ સોનાની કિંમત 3443 રૂપિયા રાખવામાં આવી છે. ઓનલાઇન પેમેન્ટ કરવાથી વધારાની 50 રૂપિયાની છૂટ આપવામાં આવે છે અને એક ગ્રામ સોનાની કિંમત 3393 રૂપિયા થાય છે. બીજી તરફ દિલ્હીમાં એક ગ્રામ 22 કેરેટ શુધ્ધ સોનાની કિંમત 3360 રૂપિયા છે અને 24 કેરેટ સોનાની કિંમત 3528 રૂપિયા છે.

રોકાણ માટે શું છે શરતો?

એસજીબી યોજના અંતર્ગત ઓછામાં ઓછું એક ગ્રામ સોનું ખરીદવું પડશે. જ્યારે કોઇ એક શખ્સ વધુમાં વધુ 4 કિલોગ્રામ સુધી સોની ખરીદી શકશે. દર વર્ષે રોકાણ પર 2.5 ટકાના હિસાબે વ્યાજ મળશે. અહીં નોંધનિય છે કે, ઇન્વેસ્ટમેન્ટ પર લોન્ગ ટર્મમાં જે કેપિટલ ગેન થશે તે ટેક્સ ફ્રી છે.

1. સોવરિન ગોલ્ડ બોન્ડ 8 વર્ષ માટે છે

2. જોકે પાંચ વર્ષ બાદ બોન્ડ તમે વેચી શકો છો.

3. જે દિવસે તમે બોન્ડ વેચવા ઇચ્છો એના ત્રણ દિવસ પહેલા સુધીની સરેરાશ કિંમતના હિસાબથી બોન્ડની વેચાણ કિંમત ગણાશે.

(4:47 pm IST)
  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST

  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST