Gujarati News

રાજકોટ : આજે અકિલાના આંગણે વાતચીત વખતે કૃષિમંત્રી રાઘવજી પટેલે મુખ્યમંત્રી ભૂપેન્દ્રભાઇ પટેલ અને પ્રદેશ ભાજપ પ્રમુખ સી.આર. પાટીલની મુકતકંઠે પ્રશંસા કરી હતી.
તેમને જણાવેલ મુખ્યમંત્રી સંપૂર્ણ નિરાભિમાની, સરળ અને સાત્વીક વ્યકિત છે. તેમને ધર્મ પ્રત્યે અપાર શ્રધ્ધા છે. કોઇપણ જાતના પૂર્વગ્રહ વગર લોક કલ્યાણના કાર્યો કરી રહ્યા છે. પ્રદેશ ભાજપ પ્રમુખ સી.આર. પાટીલ સખ્ત મહેનતુ છે. તેમને પાર્ટીને નવુ જોમ બક્ષી દોરતી કરી છે. તેમના નેતૃત્વમાં પાર્ટીને સતત જીત મળી રહી છે. વિધાનસભાની ચૂંટણીમાં પણ બન્નેના નેતૃત્વમાં ભાજપનો ભવ્ય વિજય થશે.