Gujarati News

ઉત્તરપ્રદેશ સરકારે ધાર્મિક સ્થળોના નામ પર માર્ગો પર કરવામાં આવેલા દબાણ હટાવવાના આદેશ જાહેર કર્યાં છે. ગુરુવારે આ સંબંધિત અધિકારીઓને આદેશ જાહેર કરી દીધો છે.

આ આદેશમાં ધાર્મિક સ્થળોના નામ પર કરવામાં આવેલા અતિક્રમણને હટાવવાની વાત કહી છે. તમામ અધિકારીઓને 14 માર્ચ સુધીમાં રિપોર્ટ સોંપવા નિર્દેશ આપ્યો છે. જેમાં એ જણાવવાનું રહેશે કે આ આદેશ બાદ કેટલા જાહેર સ્થળોને હટાવવાનો નિર્દેશ જિલ્લા તંત્રએ જાહેર કર્યો છે અને કેટલા પર કાર્યવાહી કરવામાં આવી છે.

 અત્રે ઉલ્લેખનિય છે કે, આ અગાઉ મુખ્યમંત્રીએ રાશનમાં સતત થઈ રહેલા ગોટાળાને રોકવા માટે સિંગલ સ્ટેપ ડિલિવરી સિસ્ટમ લાગૂ કરવાની જાહેરાત કરી. જે હેઠળ ભારતીય ખાદ્ય નિગમના ગોડાઉનથી અનાજ સીધુ જ દુકાનો સુધી પહોંચાડવામાં આવશે અને ગાડીની દરેક મૂવમેન્ટ પર સરકારની નજર હશે. આ નિર્ણય કેબિનેટ બાઈસર્ક્યૂલેશનમાં લેવામાં આવ્યો છે. માનવામાં આવી રહ્યું છે કે તેનાથી કોટેદારોની અનેક સમસ્યા પૂર્ણ થઈ જશે.