Gujarati News

નવી દિલ્હી : વર્લ્ડ હેલ્થ ઓર્ગેનાઈઝેશન (WHO) એ કોરોનાના નવા વેરિઅન્ટ ઓમિક્રોનને લઈને નવી ચેતવણી જાહેર કરી છે. WHOએ જણાવ્યું છે કે જો આ વેરિઅન્ટ સામે બેદરકારી દાખવવામાં આવશે તો તે જીવલેણ સાબિત થઈ શકે છે. 24 નવેમ્બરના રોજ દક્ષિણ આફ્રિકામાં પહેલો કેસ મળ્યા પછી, આ વેરિઅન્ટ ભારત સહિત વિશ્વના 59 દેશોમાં ફેલાઈ ગયો છે.

WHOએ તેના સાપ્તાહિક મહામારીના અહેવાલમાં જણાવ્યું છે કે ઓમિક્રોન વિશ્વના 55 થી વધુ દેશોમાં પહોંચી ગયું છે અને તે વધુ દેશોમાં ઝડપથી ફેલાશે તેવી શક્યતા છે.
વર્લ્ડ હેલ્થ ઓર્ગેનાઈઝેશનનું કહેવું છે કે ઓમિક્રોનના કેસોમાં વધારાને કારણે સમગ્ર વિશ્વમાં તેના દર્દીઓના હોસ્પિટલમાં દાખલ થવાના દરમાં પણ વધારો થવાની ધારણા છે.

WHO જણાવે છે કે પ્રારંભિક ડેટા મૃત્યુનું ઓછું જોખમ દર્શાવે છે, તેમ છતાં ઓમિક્રોનનો વધુ ઝડપી ફેલાવો વિશ્વભરમાં હોસ્પિટલમાં દાખલ થવાના દરમાં પણ વધારો કરશે.