Gujarati News

નવી દિલ્હી તા. ૧૧ : બ્લડ કેન્સર સામે ૫ વર્ષથી લડી રહેલી સરોજનીનગર નિવાસી એક કિશોરી સાથે શુક્રવાર રાત્રે ૩ યુવકોએ ગેંગરેપ કર્યો. સામાન ખરીદવા બજાર ગયેલી કિશોરીને પરિચિત યુવક બાઈક દ્વારા સુમસામ વિસ્તારમાં લઈ ગયો. જયાં મિત્ર સાથે મળીને ગેંગરેપ કર્યા બાદ કિશોરીને રસ્તા પર છોડીને ભાગી ગયા. તો બીજી તરફ ત્યાંથી બુલેટ પર પસાર થઈ રહેલા બાલૂ મોરંગનો સપ્લાયર મદદગાર બનીને કિશોરીને પોતાની સાથે લઈ ગયો અને હવસનો શિકાર બનાવીને ફરાર થઈ ગયો. મોડી રાત્રે ઘરે પહોંચેલી કિશોરીની હાલત જોઈને પરિવાર તેને લઈને પોલીસ સ્ટેશન પહોંચ્યો. પોલીસે કેસ નોંધીને બાલૂ સપ્લાયરની ધરપકડ કરી લીધી છે. બાકીના અન્ય આરોપીઓને પકડવાનો પ્રયાસ ચાલું છે.

સરોજનીનગરના એક ગામમાં રહેનારી કિશોરી શનિવારે સાંજે લગભગ ૪.૩૦ વાગ્યે સામાન લેવા ચિલ્લાવાં માર્કેટ લઈ. અહીંયા તેને પહેલાથી પરિચિત રહીમાબાદ નિવાસી શુભમ બાઈક પર આવ્યો. લાંબા સમય સુધી વાતો કરાવ્યા બાદ તે કિશોરી સાથે નટકુર પાસે સુમસાન સ્થિત ઓક ઝુંપડીમાં લઈ ગયો. અહીંયા શુભમે એક મિત્ર પહેલાથી મૌજૂદ હતો. બંનેએ કિશોરી સાથે રાત્રે ૧૧ વાગ્યા સુધી ગેંગરેપ કર્યો. આ પછી તેને બાઈકથી રોડ સૂધી લઈ આવ્યા અને અહીંયા છોડીને ભાગી ગયા. સુમસામ રસ્તા પર કિશોરી કોઈ મદદ માટે રાહ જોતી હતી. ત્યારે જ ત્યાંથી પસાર થઈ રહેલા બુલેટ સવાર બંથરાના વીરેન્દ્ર યાદવે તેને જોઈ. આ પછી તેને ઘરે છોડવાના બહાને બુલેટ પર બેસાડીને થોડે દૂર એક પુલ સુધી લઈ ગયો. અહીંયાં વિરેન્દ્રએ પણ કિશોરી સાથે રેપ કર્યો અને તેને તેની હાલતમાં મુકીને ભાગી નિકળ્યો.

મોડી રાત્રે રસ્તા પર ભટકી રહેલી કિશોરીને જોઈને કેટલાક રાહદારીઓએ બિજનૌર પોલીસ સ્ટેશનને સૂચના આપી. ૩ વાગ્યે પોલીસ કિશોરીને લઈને તેના ઘરે પહોંચી તો લોકો પણ દંગ રહી ગયા. બીજા દિવસે સવારે પરિવાર તેને પોલીસ સ્ટેશન લઈ ગયો. જયાં પોલીસે તરત જ રિપોર્ટ નોંધીને વીરેન્દ્ર યાદવની ધરપકડ કરી લીધી. તેણે પોતાનો ગુનો પણ કબૂલી લીધો છે. પોલીસ હાલમાં રહીમાબાદ નિવાસી શુભમ અને તેના મિત્રની તપાસ કરી રહી છે.

કિશોરીના ઘરવાળાઓએ જણાવ્યું કે તે બ્લડ કેન્સરથી પીડીત છે. ૫ વર્ષથી તેનો ઈલાજ ચાલી રહ્યો છે. પીજીઆઈ અને કેજીએમયૂના બધા ડોકટરોએ ઈલાજ કર્યો પરંતુ હાલતમાં સુધારો નથી આવ્યો. દિકરીની બીમારીને કારણે પરિવારનું કોઈ સદસ્ય તેને કોઈ વાતથી મનાઈ નથી કરતું. શનિવારે સાંજે તેણે બજાર જવાની જીદ કરી. મોડી સાંજ સુધી તે પાછી ન ફરી તો તપાસ શરૂ કરાઈ. કિશોરીનો ફોન બંધ આવી રહ્યો હતો. મોડી રાત્રે પોલીસવાળા તેને લઈને ઘરે પહોંચ્યા ત્યારે માલુમ પડયું કે તેની સાથે દુષ્કર્મ થયું છે.