Gujarati News

Gujarati News

News of Wednesday, 11th September 2019

બુલીયન માર્કેટમાં મંદીઃ સોનામાં વધુ ૩૦૦-ચાંદીમાં ૭૦૦ રૂ.તૂટયા

સોનુ (૧૦ ગ્રામ) હાજરમાં ઘટીને ૩૭૪૦૦ અને બીલમાં ઘટીને ૩૯૩૦૦ રૂ. થયાઃ ચાંદીના ભાવ ઘટીને ૪પ૭૦૦ રૂ. થયા

રાજકોટ, તા., ૧૧: બુલીયન માર્કેટમાં મંદીનો દોર જારી રહયો છે. આજે સોનામાં વધુ ૩૦૦ અને ચાંદીમાં ૭૦૦ રૂ.નો ઘટાડો નોંધાયો છે.

બુલીયન માર્કેટમાં ડોલરમાં મંદીને પગલે સ્થાનીક બજારમાં આજે સોનામાં વધુ ૩૦૦ રૂ. તૂટયા હતા. ગઇકાલે સોનુ સ્ટાન્ડર્ડ (૧૦ ગ્રામ) હાજરના ભાવ ૩૭૭૦૦ રૂ. હતા તે ઘટીને આજે બપોરે ૩૭૪૦૦ રૂ. થયા હતા. તેમજ બીલમાં સોનુ ૧૦ ગ્રામના ભાવ ૩૯૬૦૦ રૂ. હતા તે ઘટીને ૩૯૩૦૦ રૂ. થયા હતા. સોનાના બિસ્કીટ (૧૦૦ ગ્રામ)એ  ૩૦૦૦ રૂ.નો કડાકો થયો હતો.  સોનાની સાથે ચાંદીમાં પણ મંદી જોવા મળી હતી. બુલીયન માર્કેટમાં સેન્ટમાં મંદીના પગલે સ્થાનીક બજારમાં ચાંદીમાં ૭૦૦ રૂ. તૂટયા હતા. ગઇકાલે ચાંદી ચોરસા (૧ કિલો)ના ભાવ ૪પ૭૦૦ હતા તે ઘટીને આજે બપોરે ૪પ૦૦૦ રૂ. થઇ ગયા હતા.

(3:23 pm IST)
  • સુરત-અમદાવાદમાં ડેંગ્યુ-ટાઇફોઇડનો રોગચાળો : અમદાવાદમાં સતત વરસાદને લીધે ડેંગ્યુ અને ટાઇફોઇડનો રોગચાળો વધતો જાય છે. એક અઠવાડીયામાં ત્રણસો આસપાસ દર્દી નોંધાયા છે. જેમાં ડેંગ્યુના ૧૦૦ ઉપર દર્દીઓ છે. દરમિયાન સુરતના ડિંડોલીના કરાડવા રોડ ઉપર એક જ સોસાયટીમાં ડેંગ્યુના ૧૨ દર્દીઓ નોંધાતા હલચલ મચી ગઇ છે. access_time 3:38 pm IST

  • ગોલ્ડમેન સેકના વા-પ્રેસીડેન્ટની ધરપકડ : ૩૮ કરોડ ચાંઉ કરી જવાનો આરોપઃ ઓનલાઇન પોકર રમવાની ટેવને કારણે દેવું થઇ ગયું હતું. બેંકોને ચુકવી શકયો નથી access_time 4:14 pm IST

  • દેશ યોગ્ય દિશામાં આગળ વધે છે : 73 ટકા ભારતીયોનું તારણ :માર્કેટ રિસર્ચ ફર્મ ઇપ્સોસ દ્વારા કરાયેલ સર્વેક્ષણમાં ભારતીયોએ માન્યું કે દેશની દિશા યોગ્ય : આ પહેલા જૂનમાં થયેલ સર્વેક્ષણમાં ત્રણ ટકાનો વધારો : ભારતમાં નિરાશાવાદના વૈશ્વિક વલણથી વિપરીત સ્થિતિ : ઓછમાં ઓછા 58 ટકા વૈશ્વિક નાગરિકો માને છે ને તેઓનો દેશ ખોટા રસ્તે છે ત્યારે ભારતમાં સ્થિતિ બહેતર હોવાનો સર્વેમાં દાવો access_time 1:12 am IST