Gujarati News

નવી દિલ્હી :દિલ્હીના પ્રાણી સંગ્રહાલયમાં રોયલ બંગાળ ટાઇગર અને એક માદા સફેદ ટાઇગરને પરણાવી દેવાયા હહે પ્રાણી સંગ્રહાલયનાં ડિરેક્ટર રેણુ સિંહે કહ્યું છે કે, બે દિવસ પહેલાં એક પ્રાઇવેટ ઘરમાં બંનેનું મિલન કરાવાયું હતું અમે જોવા માગતાં હતાં કે, આ બંને વચ્ચે કોઈ કેમિસ્ટ્રી જામે છે કે બંને લડતાં જ રહે છે? જોકે તેઓ એકબીજાને સૂંઘતાં જ જોવા મળ્યાં હતાં, આથી તેમનાં લગ્ન કરાવી દેવાયાં.

   એક અંગ્રેજી વેબસાઇટના અહેવાલ મુજબ, જ્યારે લોકો આ ટાઇગરને જોવા આવ્યા તો ત્યાંના ગાર્ડે તેમને જણાવ્યું કે, તેમનાં લગ્ન કરાવી દેવાયાં છે. આ વાત પ્રસરતાં જ લોકોની ભીડ ઊમટવા લાગી હતી.

    નર રૉયલ બંગાળ ટાઇગરની ઉંમર પાંચ વર્ષ છે. તેને મૈસૂરના પ્રાણી સંગ્રહાલયમાંથી લાવવામાં આવ્યો છે. તેનું નામ કરણ છે. જ્યારે માદા સફેદ વાઘની ઉંમર ત્રણ વર્ષ છે. તેનો 2015માં જન્મ થયો હોવાને કારણે તેનું નામ નિર્ભયા રાખવામાં આવ્યું હતું. નિર્ભયાનો જન્મ વિજય અને કલ્પના નામનાં વાઘોથી થયો હતો. વિજયે 2014માં એક વ્યક્તિને મારી નાખ્યો હતો.

      ડિરેક્ટર રેણુ સિંહના જણાવ્યા મુજબ આ પહેલાં 1991માં રૉયલ બંગાળ ટાઇગર સુંદર અને વ્હાઇટ ટાઇગર શાંતિનાં લગ્ન કરાવવામાં આવ્યાં હતાં. રેણુ સિંહે કહ્યું છે કે, જો માદા વાઘ ગર્ભવતી થાય તો સપ્ટેમ્બર સુધીમાં બચ્ચાને જન્મ આપી દે છે.

     મંગળવારે છ વાર અને સોમવારે નવ વાર બંનેએ સંબંધ બાંધ્યા હતા. દિલ્હીના પ્રાણી સંગ્રહાલયમાં સાત સફેદ વાઘ છે, પાંચ માદા અને 2 નર છે. જ્યારે પાંચ રૉયલ બંગાળ ટાઇગર છે