Gujarati News

Gujarati News

News of Saturday, 10th April 2021

ડોન દાઉદ ઈબ્રાહિમનો સાગરિત જાબીર મોતી બ્રિટનની કોર્ટમાંથી મુક્ત થઇ ગયો

અમેરિકાએ પ્રત્યાર્પણની અરજી પડતી મૂકી દેતા ગુનેગાર છૂટીને પાકિસ્તાન ભેગો થઈ ગયો

લંડન :ડોન દાઉદ ઈબ્રાહિમનો સાગરિત જાબીર મોતી બ્રિટનની કોર્ટમાંથી છૂટી ગયો હતો. અમેરિકાએ તેના પ્રત્યાર્પણની અરજી પડતી મૂકી દેતા આ ગુનેગાર છૂટીને પાકિસ્તાન ભેગો થઈ ગયો હતો.

પાકિસ્તાની નાગરિક જાબીર મોતી દાઉદનો કરીબી ગણાતો હતો અને દાઉદના કાળા કારનામાના મુખ્ય સાગરિતો પૈકીનો એક હતો. ૨૦૧૮માં બ્રિટિશ પોલીસે તેની ધરપકડ કરી હતી. અમેરિકાએ ડ્રગ ટ્રાફિકિંગ, મની લોન્ડરિંગ અને બ્લેકમેઈલિંગ જેવા મુદ્દે તેના પ્રત્યાર્પણની માગણી કરી હતી.
અમેરિકાના પ્રત્યાર્પણની માગણી સામે જાબીરે લંડનની હાઈકોર્ટમાં અરજી કરી હતી. એ કેસ હજુ ચાલી રહ્યો હતો અને કોર્ટે જાબીરને જામીન પર છોડયો હતો. એ દરમિયાન અચાનક અમેરિકાએ જાબીરના પ્રત્યાર્પણની અરજી પડતી મૂકી હતી.

અમેરિકાએ તેના પ્રત્યાર્પણની માગણી પડતી મૂકી એટલે આપોઆપ તેના પરથી આરોપો હટી ગયા હતા. તેનો લાભ લઈને એ તુરંત પાકિસ્તાન જવા નીકળી ગયો હતો.

(12:23 am IST)
  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:51 pm IST