Gujarati News

Gujarati News

News of Saturday, 10th April 2021

માતા -પિતાની ભૂલનો બાળક ભોગ બન્યો :3 વર્ષના ભાઇએ ગોળીબાર કરતા 8 મહિનાના ભાઇનું મૃત્યુ

અમેરિકાના હ્યુસ્ટનમાં રમત -રમતમાં ત્રણ વર્ષના બાળકે ગોળી ચલાવી ,તેના નાના ભાઇને વાગી

અમેરિકાના હ્યુસ્ટનમાં શુક્રવારે એક આંઠ મહિનાનાં બાળકનું ગોળી વાગવાના કારણે મોત નિપજ્યુ હતું. પોલીસનું માનવું છે કે, આ બાળકના ઘરમાં બંદૂક રાખવામાં આવી હતી. જે ત્રણ વર્ષનાં બાળકના હાથમાં આવી ગઇ. તેને રમત-રમતમાં ગોળી ચલાવી નાંખી હતી અને તે તેના નાના ભાઇને વાગી હતી. જેના પછી તેનું મોત નિપજ્યુ હતું.

હ્યુસ્ટન પોલીસ સહાયક પ્રમુખ વેંડી બૈમબ્રિઝે જણાવ્યું કે, બાળકને શુક્રવાર સવારે પેટમાં ગોળી વાગી હતી. પરિવારજનો તેને તાત્કાલિક હોસ્પિટલ લઈ ગયા હતા પરંતુ તેનું મોત નિપજ્યુ હતું. વેંડીએ જણાવ્યું હતું કે તપાસકર્તા અને ફરિયાદી એ બાબતની તપાસ કરી રહ્યા છે કે, આ કેસમાં કોઈ આરોપ લગાવી શકાય કે નહીં.

જોકે પોલીસે બાળક કોઈ કેસ દાખલ કર્યો નથી. જોકે તપાસમાં જાણવા મળ્યું કે આ એક મોટી દુર્ઘટના હતી જે માતા-પિતાની બેદરકારીના કારણે બની.

 

બૈમબ્રિઝે કહ્યં કે,'હું દરેક નાગરિકને અપીલ કરીશ કે તેઓ પોતાના ઘરમાં હથિયારોને કોઈપણની પહોંચથી દૂર રાખે. તમે તમારા હથિયારોને સુરક્ષિત રાખવા માટે ઘણું બધુ કરી શકો છો. કૃપા કરીને આ પરિવાર માટે પ્રાર્થના કરો. આ એક અત્યંત દુઃખદ ઘટના છે.

સૂત્રો અનુસાર તપાસકર્તાઓને શરૂઆતમાં ઘટનામાં ઉપયોગ થયેલી બંદૂક મળી ન હતી. બાદમાં તે ગાડીની અંદરથી તેમને બંદૂક મળી હતી. જેમા પરિવારજનો ઇજાગ્રસ્ત બાળકને હોસ્પિટલ લઇ ગયા હતા

(12:19 am IST)
  • કોરોનાનો કહેર વધતા દિલ્હી સરકારની નવી ગાઇડલાઇન જાહેર : લગ્નમાં 50 અને અંતિમ સંસ્કારમાં 20 લોકોને મંજૂરી : મહારાષ્ટ્રથી હવાઇ માર્ગે દિલ્હી આવતા તમામ મુસાફરોએ 72 કલાક જૂનો પોતાનો આરટીપીસીઆર નેગેટિવ રિપોર્ટ બતાવવાનો રહેશે: તમામ પ્રકારના સામાજિક, રાજકિય, સાંસ્કૃતિક, રમત ગમત, મનોરંજન, ધાર્મિક અને તહેવાર સંબંધી મેળાવડા પર પ્રતિબંધ access_time 12:41 am IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:51 pm IST

  • રાજકોટ શહેર - જિલ્લામાં કોરોનાનો વણથંભ્યો આતંક : આજે સાંજ સુધીમાં રાજકોટ શહેરમાં 405 અને ગ્રામ્યના 70 કેસ સાથે કુલ 475 નવા કોરોના ના કેસ નોંધાયા access_time 7:28 pm IST