Gujarati News

Gujarati News

News of Monday, 11th February 2019

ગુજરાતમાં કોંગ્રેસ યોજશે ૫૦૦ જેટલી સભાઓ : પ્રિયંકા સહિત ૪૦ નેતાઓ આવશે

દરેક બેઠક પર બે રાષ્ટ્રીય નેતાઓની સભા યોજવા નિર્ણય

નવી દિલ્હી તા. ૧૧ : લોકસભા ચૂંટણી પહેલા કોંગ્રેસે કવાયત શરૂ કરી છે. જેમાં કોંગ્રેસ દ્વારા આઠ જેટલી વિવિધ કમિટિઓની યાદી જાહેર થઈ છે. કોંગ્રેસે આગામી લોકસભા ચૂંટણીને લઈને કોર્ડિનેશન કમિટી, પ્રદેશ ઈલેકશન કમિટી, કેમ્પેઈન કમિટી, પબ્લિકસીટી કમિટી, મીડિયા કોર્ડિનેશન કમિટી, મેનીફેસ્ટો કમિટી અને ઈલેકશન મેનેજમેન્ટ કમિટીની રચના કરી છે.

જે હેઠળ ગુજરાત કોંગ્રેસ કેમ્પઇન કમિટીની પ્રથમ બેઠક આજે મળી હતી જેમાં લોકસભા ચૂંટણીના પ્રચાર માટે ૪૦થી વધારે રાષ્ટ્રીય નેતાઓને સભા માટે ગુજરાતમાં બોલાવાશે એ અંગે નિર્ણય લેવામાં આવ્યો હતો.

આ બેઠકમાં  પ્રિયંકા ગાંધીને મહિલા સંમેલનમાં હાજર રહેવા આમંત્રણ ઉપરાંત રાહુલ ગાંધી, જયોતિરાદિત્ય સિંધિયા, સચીન પાઇલોટ, નવજોતસિંહ સિંધુ, કમલનાથ, અશોક ગેહલોત સહિતના નેતાઓ ગુજરાતમાં સભાઓ સંબોધે તેવો પ્રસ્તાવ રજૂ કરવામાં આવ્યો હતો. તમામ લોકસભા બેઠકમાં બે રાષ્ટ્રીય નેતાઓની સભા થાય એવું કોંગ્રેસ દ્વારા આયોજન કરવામાં આવ્યું છે.

કોંગ્રેસની કેમ્પેઇન કમિટીની બેઠક બાદ ચેરમેન સિદ્ઘાર્થ પટેલે નિવેદન આપતા કહ્યું કે, લોકસભાની ચૂંટણી માટે કોંગ્રેસ ગુજરાતમાં ૫૦૦ સભાઓ કરશે, એક વિધાનસભા દીઠ ત્રણ જાહેરસભા યોજવાનું પણ આયોજન કરાયું છે. આ ઉપરાંત  મહિલાઓ અને યુવાનો માટે લોકસભાની ચૂંટણી અંગે કોંગ્રેસ વિશેષ કાર્યક્રમ યોજશે.

સિદ્ઘાર્થ પટેલે વધુમાં કહ્યું કે કેમ્પેઈનમાં પ્રચાર દરમિયાન ભાજપ સરકારની નિષ્ફળતા ઉજાગર કરશે. અને કોંગ્રેસ આગામી દિવસોમાં દેશને કયાં લઈ જવા માંગે છે તે અંગે લોકોને સમજાવશે. (૨૧.૫)

(9:36 am IST)
  • ભૂપેન હઝારિકાના પુત્રએ ભારત રત્ન લેવા કર્યો ઇન્કાર :ભાઈએ કહ્યું હું તેમાં સહમત નથી :ભૂપેન હઝારિકાના મોટા ભાઈ સમર હઝારિકાએ કહ્યું કે ભારત રત્ન પાછો આપવાનો નિર્ણંય તેના પુત્રનો હોય શકે છે પરંતુ હું તેમાં સહમત નથી access_time 1:07 am IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST