Gujarati News

બલિયાઃ ઉત્તર પ્રદેશના બલિયા જિલ્લામાં ગાયોની ચોરીનો આરોપ મૂકીને બે દલિત યુવકોના માથે મુંડન કરાવીને રસ્તા પર ફેરવવાની ઘટનામાં હિંદુ યુવા વાહિનીના કાર્યકર્તાઓ પર આરોપ મુકાયો છે પોલીસના જણાવ્યા મુજબ, ગાય ચોરીના આરોપમાં પ્રવીણ શ્રીવાસ્તવ નામની વ્યક્તિની ફરિયાદ પર ચોરીના આરોપી બંને યુવકોની કલમ 379 અને 411 (ચોરી) હેઠળ ધરપકડ કરાઈ છે

   બાદમાં આ બંને યુવકોમાંથી એકે પોલીસમાં ફરિયાદ નોંધાવી જણાવાયું છે કે હિંદુ યુવા વાહિનીના કાર્યકર્તાઓએ તેમને બે ગાય સાથે રોક્યા હતા પોલીસ સમક્ષ નોંધાવેલી ફરિયાદમાં ઉમા રામે કહ્યું છે કે,‘હિંદુ યુવા વાહિનીના કાર્યકર્તાઓએ તેમના પુત્રનું માથું મુંડાવી તેમના ગળામાં ટાયર લટકાવીને સમગ્ર વિસ્તારમાં ફેરવ્યો હતો.અને ગળામાં ‘અમે ગાય ચોર છીએ’ લખીને પ્લે કાર્ડ્સ પણ લટકાવ્યાં હતાં.

  ઉમા રામની ફરિયાદ પર પોલીસે 15 અજાણ્યા લોકો સામે કેસ નોંધ્યો છે. આ લોકો વિરુદ્ધ દલિત ઉત્પીડન એક્ટ અંતર્ગત કેસ દાખલ કરાયો છે બલિયાના એસપી અનિલ કુમારે કહ્યું છે કે, સમગ્ર મામલાની જવાબદારી એસપી અવધેશ ચૌધરીને સોંપવામાં આવી છે. તેઓ આ મામલે તપાસ કરી રિપોર્ટ સોંપશે.