Gujarati News

Gujarati News

News of Thursday, 10th October 2019

પૂર્વ દિલ્હીનાં કોંડલીમાં પતિ-પત્નિનાં ઝઘડામાં 5 મહિનાનાં બાળકનો લેવાયો ભોગ:પતિ ફરાર

પત્નિને લાકડી વડે મારવા પ્રયાસ કરતા લાકડી 5 મહિનાનાં બાળકને વાગી જતા મોત

નવી દિલ્હી : પૂર્વ દિલ્હીનાં કોંડલીમાં 5 મહિનાનાં બાળકનું મોત નિપજ્યુ છે. પતિ-પત્નિને કોઇ મામલે વાદ વિવાદ થઇ રહ્યો હતો, જે દરમિયાન પતિએ તેની પત્નિને લાકડી વડે મારવાનો પ્રયત્ન કર્યો ત્યારે આકસ્મિક રીતે તે લાકડી 5 મહિનાનાં બાળકને વાગી જતા તેનુ મોત નિપજ્યુ હતુ.

 લાકડીનાં આગળનાં ભાગમાં એક ખીલી હતી જે બાળકનાં માથા પર વાગી હતી. જો કે તેને હોસ્પિટલમાં ખસેડવામાં આવ્યો પરંતુ તે બચી શક્યુ નહી. આ કરૂણ ઘટના બાદ પોલીસ એક્શનમાં આવી અને બાળકનાં પિતા પર એફઆઈઆર નોંધાઇ હતી, જો કે મળી રહેલી માહિતી અનુસાર તે શખ્સ હાલમાં ફરાર છે.

   પોલીસ બાળકનાં પિતાની શોધ કરી રહી છે, જે તેની મૃત્યુ બાદથી ફરાર છે. આ વ્યક્તિ અગાઉ ગાઝિયાબાદની એક ખાનગી હોસ્પિટલમાં ઓપરેશન થિયેટર (ઓટી) ટેકનિશિયન તરીકે કામ કરતો હતો. છેલ્લા કેટલાક મહિનાઓથી તે બેરોજગાર હતો. બાળકની માતા ખાનગી ક્લિનિકમાં નર્સ તરીકે કામ કરે છે.

(1:40 pm IST)
  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST

  • પાકિસ્તાને ગ્વાદર ક્ષેત્રમાં ચીની કંપનીઓને 23 વર્ષ માટે ઈન્ક્મટેક્સમાં આપી છૂટ : પાકિસ્તાને રણનીતિક ગ્વાદર બંદરગાહ અને તેના મુકતક્ષેત્રમાં કાર્યરત ચીનની કંપનીઓને આવકવેરા મુકત કરવા નિર્ણંય કર્યો access_time 1:07 am IST

  • અમરેલીના સરોવડામાં ગાજવીજ સાથે ધોધમાર વરસાદ access_time 3:51 pm IST