હવે ફકત બે દિવસમાં બદલી શકાશે મોબાઇલ ઓપરેટર

News of Monday, 10th September 2018

હવે ફકત બે દિવસમાં બદલી શકાશે મોબાઇલ ઓપરેટર

ટેલિકોમ રેગ્યુલેટરી ઓથોરિટી ઓફ ઇન્ડિયાએ કંપનીઓ માટે ઘડી નવી ગાઇડલાઇન્સ

મુંબઇ તા.૧૦: પોતાના વર્તમાન નંબરમાં ફેરફાર કર્યા વિના મોબાઇલ ઓપરેટર બદલવાની સુવિધા મોબાઇલ નંબર પોર્ટેબિલિટી (MNP) હવે વધુ સરળ બની જશે. ટેલિકોમ રેગ્યુલેટરી ઓથોરિટી ઓય ઇન્ડિયા (TRAI) જલ્દી જ MNP માં લાગનારો સમય ૭ દિવસથી ઘટાડીને બે દિવસ કરવાની તૈયારીમાં છે. MNP સુવિધાને યુઝર્સ માટે વધુ સરળ બનાવવા TRAI એ એપ્રિલમાં એક ડ્રાફટ તૈયાર કર્યો હતો. આ ડ્રાફટમાં MNP ને લઇને નવી ગાઇડલાઇન્સ અને નિયમ બનાવવામાં આવ્યાં હતાં. નવા નિમયો લાગુ થયા બાદ MNP કરાવવા માટે ગ્રાહકોને ૭ દિવસ સુધી રાહ નહીં જોવી પડે. TRAI એ સમયસીમાને ૭ દિવસથી ઘટાડીને બે દિવસ કરવાનો નવો નિયમ બનાવ્યો છે, જેને જલ્દી જ લાગું કરી દેવામાં આવશે. જો આવું થશે તો યુઝર્સ ફકત બે દિવસમાં જ પોતાનો મોબાઇલ ઓપરેટર બદલી શકશે. જમ્મુ-કાશ્મીર અને નોર્થ-ઇસ્ટ રાજયોમાં આ સમયસીમા ૧૫ દિવસની છે.(૧.૩)