News of Friday, 10th August 2018

બુલંદશહરના સિંકદરાબાદ વિસ્‍તારમાં દારૂના નશામાં ચકનાચુર પોલીસકર્મીઅે કાર પરથી કાબુ ગુમાવી બે બાઇકને ટક્કર મારતા અેક વ્યકિતની હાલત ગંભીરઃ લોકોના ટોળાઅે પોલીસને મેથીપાક ચખાડ્યો

મેરઠ: બુલંદશહરના સિકંદરાબાદ વિસ્તારમાં એક પોલીસકર્મીને માર મારવાનો વીડિયો વાયરલ થયો છે. મળેલી માહિતી પ્રમાણે, દારુના નશામાં ધૂત પોલીસકર્મીએ પોતાની કાર પરથી કાબૂ ગુમાવ્યો અને બે બાઈકને ટક્કર મારી. જેમાં ઈજાગ્રસ્ત એક વ્યક્તિની હાલત ગંભીર છે. ઘટનાસ્થળે હાજર લોકોએ નશામાં ચૂર પોલીસને ખૂબ ધોલાઈ કરી અને તેનો યુનિફોર્મ પણ ફાડી નાખ્યો.

રિપોર્ટ પ્રમાણે, ઘટના બુલંદશહર જિલ્લાના સિકંદરાબાદ વિસ્તારના ચોલા રોડની છે. સૂત્રોએ જણાવ્યા પ્રમાણે, ગત સોમવારે કોન્સ્ટેબલ મનોજ કુમાર બુલંદશહરમાં કાંવડ યાત્રાની ડ્યૂટી પર હતો.

સૂત્રએ આપેલી માહિતી પ્રમાણે, “સોમવારે પોલીસકર્મી દારુના નશામાં ગાડી ચલાવી રહ્યો હતો. દરમિયાન તેણે બે મોટરસાઈકલને ટક્કર મારી. ઘટનામાં 3 લોકો ઘાયલ થયા છે, જેમાંથી એક વ્યક્તિની હાલત ગંભીર છે. બાઈકને ટક્કર માર્યા બાદ પોલીસકર્મીની કાર ઝાડ જોડે અથડાઈ હતી.”

ઘટનાથી રોષે ભરાયેલા લોકોએ કોન્સ્ટેબલના બેલ્ટથી તેની પિટાઈ કરી અને યુનિફોર્મ પણ ફાડી નાખ્યો. પોલીસકર્મી મનોજને બાદમાં એક સ્થાનિક પોલીસ સ્ટેશનમાં સોંપી દેવાયો. મામલે પોલીસકર્મી સામે સિકંદરાબાદ પોલીસ સ્ટેશનમાં ગુનો દાખલ કરાયો છે. નોએડા પોલીસને અંગે જાણ કરાઈ છે. ઘટના બાદ પોલીસકર્મીને સસ્પેંડ કરાયો છે.

(5:57 pm IST)
  • યમનમાં બસ પર હવાઈ હુમલો :29થી વધુ બાળકોના મોત :30 ઘાયલ ;ઉતરી યમનમાં અશાંત વિસ્તારમાં આ હાવૈ હુમલો સાઉદી અરબના નેતૃત્વવાળા ગઠબંધન દ્વારા એક બસ પર કરાયો :આ ગઠબંધન હુથી વિદ્રોહી વિરુદ્દ લડતા યમન સરકારનું સમર્થન કરે છે :આ હુમલા સમયે બસ શાદ વિસ્તારના દહયાન બજારમાં પસાર થતી હતી access_time 12:57 am IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST