Gujarati News

નવી દિલ્‍હી, તા.૧૦: છેલ્લા ૨૪ કલાકમાં વિશ્વના ટોચના અબજોપતિઓની સંપત્તિમાં ધરખમ ઘટાડો થયો છે. ટોપ-૧૦ અમીરોની વાત કરીએ તો ઈલોન મસ્‍કથી લઈને નંબર ૧૦ થી લઈને ૧૦માં નંબર પર રહેલા મુકેશ અંબાણી સુધી બધાને તકલીફ પડી છે. બિલિયોનેર્સ ઈન્‍ડેક્‍સના રિયલ ટાઈમ ડેટા અનુસાર, સમાચાર લખ્‍યાના સમયે મોટાભાગના અબજોપતિઓની સંપત્તિમાં ઘટાડો નોંધાયો હતો.
ટેસ્‍લા અને સ્‍પેસએક્‍સના સીઈઓ એલોન મસ્‍ક, જે અબજોપતિઓની યાદીમાં ટોચ પર છે, તેમને આ સમયગાળા દરમિયાન સૌથી વધુ નુકસાન થયું છે. તેમની નેટવર્થ $૧૮.૫ બિલિયન ઘટીને $૨૨૯ બિલિયન થઈ છે. નોંધપાત્ર રીતે, ટ્‍વિટર ડીલ બાદથી મસ્‍કની સંપત્તિમાં ઘટાડો થઈ રહ્યો છે. ભૂતકાળમાં, તેની ઇલેક્‍ટ્રિક કાર કંપની ટેસ્‍લાના શેર ૧૨ ટકાથી વધુ તૂટ્‍યા હતા અને તેની વિશ્વના સૌથી ધનિક વ્‍યક્‍તિની સંપત્તિ પર મોટી અસર પડી હતી. તમને જણાવી દઈએ કે તાજેતરમાં મસ્‍કે માઇક્રોબ્‍લોગિંગ પ્‍લેટફોર્મ ખરીદવા માટે $૪૪ બિલિયન (રૂ.૩.૩૭ લાખ કરોડ)નો સોદો કર્યો છે.
એલોન મસ્‍ક અને એમેઝોનના સ્‍થાપક પછી બીજા સૌથી ધનિક જેફ બેઝોસ માટે પણ વર્ષ ૨૦૨૨ સારું સાબિત નથી થઈ રહ્યું. કમાણીના મામલામાં તે આ વર્ષની ત્રીજી સૌથી મોટી ખોટ કરનાર છે. છેલ્લા ૨૪ કલાકની વાત કરીએ તો, જેફ બેઝોસની નેટવર્થ $૬.૦૪ બિલિયનના ઘટાડા બાદ ઼૧૩૩ બિલિયન પર આવી ગઈ છે. આ સિવાય ત્રીજા ક્રમે રહેલા માઈક્રોસોફટના ફાઉન્‍ડર બિલ ગેટ્‍સે પણ $૩.૧૫ બિલિયનનું નુકસાન કર્યું છે અને તેમની નેટવર્થ $૧૨૦ બિલિયન થઈ ગઈ છે. ચોથા સૌથી અમીર ફ્રેન્‍ચ અબજોપતિ બર્નાર્ડ આર્નોલ્‍ટની વાત કરીએ તો તેમની કુલ સંપત્તિ ૪.૨૪ અબજ ડોલર ઘટીને ૧૨૦ અબજ ડોલર થઈ ગઈ છે.
ટોચના-૧૦ અબજોપતિઓની યાદીમાં સામેલ પીઢ ભારતીય ઉદ્યોગપતિ અને અદાણી ગ્રુપના ચેરમેન ગૌતમ અદાણી આ વર્ષે કમાણીમાં સૌથી આગળ રહ્યા છે અને આ મામલામાં તેમણે ઈલોન મસ્‍ક સહિતના ટોચના અબજોપતિઓને પણ પાછળ છોડી દીધા છે. જોકે આ સમયગાળામાં અદાણીને પણ નુકસાન થયું છે, પરંતુ તેણે પાંચમા સ્‍થાને પોતાની હાજરી જાળવી રાખી છે. જો આંકડાઓ પર નજર કરીએ તો ગૌતમ અદાણીની સંપત્તિમાં $૫.૧૯ બિલિયનનો ઘટાડો થયો છે અને આ ઘટાડા પછી તેમની નેટવર્થ ઘટીને $૧૧૫ બિલિયન થઈ ગઈ છે.
ઉલ્લેખનીય છે કે, લાંબા સમયથી વિશ્વના ટોચના અબજપતિઓમાં બે ભારતીય અબજોપતિઓનો સમાવેશ કરવામાં આવ્‍યો છે. તેમાંથી એક ગૌતમ અદાણી અને બીજા રિલાયન્‍સ ઈન્‍ડસ્‍ટ્રીઝના ચેરમેન મુકેશ અંબાણી છે. ઘટાડાનાં આ દિવસે અંબાણીની સંપત્તિમાં પણ ઘટાડો થયો છે. તેમને ઼૪.૨૪ બિલિયનનું નુકસાન થયું છે. આ ઘટાડા બાદ અંબાણીની નેટવર્થ પણ ઘટીને ઼૯૨.૧ બિલિયન થઈ ગઈ છે.
આ સિવાય ટોપ-૧૦ત્‍ન સામેલ અન્‍ય અમીરોની વાત કરીએ તો છઠ્ઠા સ્‍થાને રહેલા વોરેન બફેની નેટવર્થ ૨.૫૩ અબજ ડોલર ઘટીને ૧૧૪ અબજ ડોલર થઈ ગઈ છે. જયારે સાતમા નંબરે રહેલા લેરી પેજની નેટવર્થમા ઼૨.૨૫ બિલિયનનો ઘટાડો થયો છે અને તે ઘટીને ઼૧૦૨ બિલિયન પર આવી ગયો છે. આઠમા ક્રમના સર્ગેઈ બ્રિનની નેટવર્થ ઼૨.૧૭ બિલિયન ઘટીને ઼૯૮.૩ બિલિયન થઈ, જયારે નવમા ક્રમના સ્‍ટીવ વાલ્‍મરની નેટવર્થ ઼૩.૨૪ બિલિયન ઘટીને ઼૯૩.૫ બિલિયન થઈ.