Gujarati News

Gujarati News

News of Monday, 10th May 2021

ગોવા સરકારે કોરોના દર્દીઓની સારવારમાં ઇવરમેક્ટિનના ઉપયોગની મંજૂરી આપી

તમામ સરકારી આરોગ્ય કેન્દ્રોમાં ઉપલબ્ધ રહેશે : ઇવરમેક્ટીન 12 એમજી દવા પાંચ દિવસ માટે લેવાની રેહશે

પણજી :ગોવા સરકારે કોરોના દર્દીઓની સારવારમાં ઇવરમેક્ટિ ના ઉપયોગને મંજૂરી આપી દીધી છે. સરકારે 18 વર્ષથી ઉપરના બધા ચેપગ્રસ્તો માટે આ દવાના ઉપયોગને મંજૂરી આપી છે, જેથી તાવ વધુ ગંભીર સ્વરૂપ ધારણ નાં કરી શકે. ચાલો આપણે તમને જણાવી દઈએ કે તીવ્ર અથવા હળવા તાવ એ કોરોના ચેપના મુખ્ય લક્ષણોમાંનું એક છે.

રાજ્યના આરોગ્ય પ્રધાન વિશ્વજીત રાણેએ કહ્યું હતું કે, ‘બધા આરોગ્ય કેન્દ્રો પર ઇવરમેક્ટિન દવા ઉપલબ્ધ થશે. આ દવા બધા લોકોએ લેવાની રહેશે, પછી ભલે કોરોનાના લક્ષણો હોય કે નહી. અમે આ દવાનો ઉપયોગ પ્રિવેન્ટીવ ક્યોર તરીકે કરી રહ્યા છીએ. તમામ દર્દીઓનીએ આ દવાઓ સરકારી આરોગ્ય કેન્દ્રોમાં ઉપલબ્ધ રહેશે.

આરોગ્ય પ્રધાને કહ્યું, ‘ઇવરમેક્ટીન 12 એમજી દવા પાંચ દિવસ માટે વાપરવી પડશે. યુકે, ઇટાલી, સ્પેન અને જાપાનના નિષ્ણાતોએ આ દવા કોરોના મૃત્યુદર ઘટાડવામાં અસરકારક હોવાનું જણાવ્યું છે. તે માત્ર મૃત્યુદરમાં જ નહીં પરંતુ રીકવરીમાં અને વાયરલ લોડને ઘટાડવામાં પણ ફાળો આપે છે.

રાણેએ કહ્યું કે ગોવા દેશનું પહેલું રાજ્ય છે જેણે આ ડ્રગને કોવિડ -19 ની સારવારના પ્રોટોકોલમાં સમાવિષ્ટ કર્યું છે. જો કે આ દવા કોરોના ચેપને રોકી શકતી નથી, તે રોગને ગંભીર બનતા અટકાવવા માટે ખૂબ જ અસરકારક છે. રાજ્યના તમામ લોકોએ કોરોના માર્ગદર્શિકાનું સખતપણે પાલન કરવું જોઈએ. ચેપના ફેલાવાને રોકવા માટે, તે મહત્વપૂર્ણ છે.

(11:35 pm IST)
  • કોરોનાથી રાજકોટ શહેરમાં આજે પણ થોડી રાહત વર્તાઈ અને ગ્રામ્ય વિસ્તારમાં કોરોનાનો આતંક યથાવત : આજે સાંજ સુધીમાં રાજકોટ શહેરમાં 319 અને ગ્રામ્યના 253 કેસ સાથે કુલ 572 નવા કોરોના ના કેસ નોંધાયા access_time 7:22 pm IST

  • આસામ : મુખ્યમંત્રી તરીકે શપથ લેતા પહેલા હિમાંતા બિસ્વા શર્મા મંદિરે પહોંચ્યા : કામાખ્યા મંદિરમાં શીશ ઝુકાવી દર્શન કર્યા : આજરોજ આસામના 15 માં મુખ્યમંત્રી તરીકે શપથ લેશે : અન્ય 13 મંત્રીઓની પણ શપથવિધિ કરાશે access_time 12:11 pm IST

  • ફાસ્ટ બોલર ચેતન સાકરીયાના પિતા કાંતિભાઈનો જીવનદીપ કોરોનાએ બૂઝાવ્યો : રાજસ્થાન રોયલ્સ તરફથી આઈ. પી.એલ. ક્રિકેટ મેચમાં રમી રહેલ અને મુળ ગુજરાતના ભાવનગરના વતની તથા ફાસ્ટ બોલર ચેતન સાકરિયાના પિતા કાંતિભાઈ(ઉ.૪૨)નું કોરોનાના કારણે દુઃખદ અવસાન થયું. લાંબા સમયથી ભાવનગર હોસ્પિટલમાં કોરોના સામે ઝઝૂમી રહ્યા હતા. access_time 3:50 pm IST