Gujarati News

Gujarati News

News of Saturday, 10th April 2021

દેશમાં વિકરાળ બનતો કોરોના : તમામ રેકોર્ડ તૂટ્યા : છેલ્લાં 24 કલાકમાં 1.52 લાખથી વધુ નવા કેસ ,એક્ટિવ કેસ 11 લાખને પાર :કુલ કેસ 1.33 કરોડના આંકને પાર પહોંચ્યા : વધુ 837 લોકોના મોત

મહારાષ્ટ્ર માં સૌથી વધુ 55,411 નવા કેસ, : છત્તીસગઢમાં 14,098, ઉત્તર પ્રદેશમાં 12,748 કેસ નોંધાયા : દક્ષિણના રાજ્યોમાં કોરોનાએ સ્પીડ પકડી : દિલ્હીમાં પણ કાળોકેર યથાવત

નવી દિલ્હી : દેશમાં કોરોના વાયરસના નવા કેસમાં ભયજનક ઉછાળો નોંધાયો છે સતત વધી રહેલા કેસોએ લોકોની ચિંતા વધારી દીધી છે. સ્થિતિ એ થઈ ગઈ છે કે દેશમાં દરરોજ એક લાખથી વધુ નવા કેસ સામે આવી રહ્યાં છે જયારે આજે છેલ્લા 24 કલાકમાં અત્યાર સુધીના રેકોર્ડબ્રેક 1. 52 લાખથી વધુ  નવા કેસ નોંધાતા ભારે ફફડાટ ફેલાયો છે

 એક જ દિવસમાં દેશમાં સૌથી વધુ કેસ નોંધાયા છે સાથે છેલ્લા 24 કલાકમાં  837 લોકોના મોત નિપજ્યા છે આ સાથે એક્ટિવ  સંખ્યા પણ 11 લાખને  પાર  પહોંચી છે એક જ દિવસમાં 1. .52 લાખથી વધુ નવા કેસ નોંધાતા કુલ કેસની સંખ્યા 1.33,55,319 થઇ છે છેલ્લા 24 કલાકમાં 90,237 દર્દીઓ ડિસ્ચાર્જ કરાયા છે આ સાથે 1.20,78,242 લોકોએ કોરોનાને મહાત આપી છે

મહારાષ્ટ્ર માં સૌથી વધુ 55,411 નવા કેસ નોંધાયા છે જયારે  છત્તીસગઢમાં 14,098 કેસ નોંધાયા છે જયારે ઉત્તર પ્રદેશમાં 12,748 કેસ નોંધાયા છે સાથે દક્ષિણના રાજ્યોમાં પણ કોરોનાએ સ્પીડ પકડી  છે 

(12:37 am IST)
  • ખોડલધામ પ્રમુખ અને પાટીદાર અગ્રણી નરેશ પટેલ અને તેમના પત્ની થયા કોરોના સંક્રમિત : દંપત્તિ હાલ હોમ આઈસોલેશનમાં રખાયા : બન્ને ને સામાન્ય લક્ષણો દેખાતા ઘરે જ સારવાર અપાય રહ્યાનું જાણવા મળે છે. access_time 6:41 pm IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • પશ્ચિમ બંગાળમાં ચોથા તબક્કાના મતદાન દરમિયાન કૂચબિહારમાં હિંસા ફાટી નીકળી : બીજેપી અને તૃણમૂલ કોંગ્રેસના કાર્યકરો વચ્ચે મારામારી : સુરક્ષાદળોની રાયફલ ખુંચવી લેવાનો પ્રયાસ થતા કરાયેલા ફાયરિંગથી 4 લોકોના મોત : આ અગાઉ મતદાન સમયે પ્રથમવાર મત આપવા આવેલા યુવાનની હત્યા કરી દેવાઈ હતી : કુલ પાંચ મોત : ચૂંટણી પંચે અહેવાલ માંગ્યો access_time 12:59 pm IST