Gujarati News

Gujarati News

News of Saturday, 10th April 2021

ચીનના યુવાનો મૃત્યુના ડરે વસિયત બનાવડાવી રહ્યા છે

વિશ્વભરમાં કોરોનાના પ્રસારે વેગ પકડતાં ગભરાહટ : ૧૯૯૦ બાદ પેદા થયેલા યુવાનોમાં ૨૦૧૯-૨૦ની તુલનાએ વસીયત બનાવડાવવાના પ્રમાણમાં ૬૦ ટકાનો વધારો થયો

નવી દિલ્હી, તા.૧૦ : ગત ૨૦૨૦ના વર્ષથી ચીનના વુહાન શહેરમાંથી સમગ્ર વિશ્વમાં કોરોના વાયરસ ફેલાવાની શરૂઆત થઈ હતી. વિશ્વમાં કોરોનાના પ્રસારે ફરી એક વખત ઝડપ વધારી છે. જે ચીનમાંથી સંક્રમણની શરૂઆત થઈ હતી ત્યાંના યુવાનો મહામારીથી એટલી હદે ડરી ગયા છે કે, મૃત્યુના ડરથી તેઓ અત્યારથી પોતાની વસીયત બનાવડાવવા લાગ્યા છે.

ચાઈના રજિસ્ટ્રેશન સેન્ટરના અહેવાલ પ્રમાણે કોરોનાથી મૃત્યુ થશે તેવા ડરના કારણે મોટા ભાગના ચીની યુવાનો પોતાની વસીયત બનાવડાવી રહ્યા છે. મોટા ભાગના ચીની નાગરિકો પહેલા કરતા ઘણી વધુ તત્પરતાથી પોતાની વસીયત બનાવડાવી રહ્યા છેઅહેવાલ પ્રમાણે ૧૯૯૦ બાદ પેદા થયેલા યુવાનોમાં ૨૦૧૯-૨૦૨૦ની તુલનાએ વસીયત બનાવડાવવાના પ્રમાણમાં ૬૦ ટકાનો વધારો થયો છે. પાછલા ઓગષ્ટ મહિનાથી લઈને અત્યાર સુધીમાં પરામર્શ કેન્દ્રોમાં વસીયત અંગેના કોલમાં ગણો વધારો થયો છે. ચીની લોકો પોતાના ઘર અને સંપત્તિની વ્યવસ્થા માટે આવી સલાહ લઈ રહ્યા છે.

માત્ર ૧૮ વર્ષનો શિયાઓહોંગ નામના યુવાને પોતાની ૨૦,૦૦૦ યુઆનની સંપત્તિની વસીયત તૈયાર કરાવવા માટે શાંઘાઈના એક સેન્ટરની મુલાકાત લીધી હતી. તેણે પોતાની બચત પોતાના એક મિત્રને આપવાનો નિર્ણય લીધો છે જેણે મુશ્કેલીના સમયે તેની મદદ કરી હતી.

(7:57 pm IST)
  • ચૂંટણી પ્રચાર રેલીમાં માસ્ક નહીં પહેરવા બદલ ચૂંટણી પંચ આકરા પાણીએ : હવે જો રેલીમાં માસ્ક પહેરેલા જોવા નહીં મળે તો રેલી ઉપર પ્રતિબંધ મૂકી દેવામાં આવશે : ચૂંટણી પંચે તમામ રાજકીય પક્ષોને નોટિસ મોકલી access_time 12:04 pm IST

  • મધ્યપ્રદેશના અમુક શહેરોમાં 10 દિવસનું લોકડાઉન : ઇન્દોર, બરવાની, રાજગઢ , વિદિશા (અર્બન-રૂરલ), રાઉ નગર, મહુનગર ,શાજપુર, તથા ઉજ્જૈનમાં 19 એપ્રિલ સવારના 6 વાગ્યા સુધી લોકડાઉન લંબાવાયું : બાલાઘાટ, નરસિંહપુર, સિઓની અને જબલપુરમાં 12 એપ્રિલથી 22 એપ્રિલ સુધી લોકડાઉન ઘોષિત કરાયું : ચીફ મિનિસ્ટર શિવરાજસિંહ ચૌહાણની બેઠકમાં લેવાયેલો નિર્ણય access_time 8:57 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST