Gujarati News

Gujarati News

News of Wednesday, 10th February 2021

લદ્દાખ સરહદ પર ભારત - ચીનની દરેક સ્થિતિ પર નજર

અમેરિકન વિદેશ મંત્રાલયે આપેલા નિવેદનથી ડ્રેગનના ઇરાદાને લાગશે જોરદાર આંચકો

વોશિંગ્ટન તા. ૧૦ : છેલ્લા આશરે એક વર્ષથી ભારત અને ચીન વચ્ચે લદાખમાં સરહદને લઈને વિવાદ થઈ રહ્યો છે અને ડ્રેગનની નજર ભારતની જમીનો પર છે ત્યારે જેનો ભારતીય સેના જડબાતોડ જવાબ આપી રહી છે ત્યારે આટલા મહિનાઓ બાદ પણ વિવાદનો ઉકેલ આવી શકયો નથી ત્યારે અમેરિકાની સત્ત્।ામાં ફેરફાર બાદ બાયડન સરકાર દ્વારા મોટું નિવેદન આપવામાં આવ્યું છે. અમેરિકાના વિદેશ મંત્રાલય તરફથી કહેવામાં આવ્યું છે કે અમેરિકાની નજર ભારત અને ચીન વચ્ચે સરહદની પરિસ્થિતિ પર છે આ સિવાય ચીન પર અમેરિકાએ એવું નિવેદન આપ્યું છે કે ડ્રેગનના ઈરાદાઓને જોરદાર ઝટકો લાગ્યો છે.

અમેરિકાના વિદેશ મંત્રાલય દ્વારા કહેવામાં આવ્યું છે કે અમે પરિસ્થિતિ પર નજર રાખી રહ્યા છે અને ભારત અને ચીન વચ્ચે સરહદ વિવાદ પર શાંતિપૂર્ણ વાતનું સમર્થન કરીએ છે. વિદેશ મંત્રાલયના પ્રવકતા નેડ પ્રાઇસે વધુમાં કહ્યું કે પડોશીઓને ધમકાવવાની ચીની નીતિથી અમે ચિંતિત છે અને હિન્દ-પ્રશાંત ક્ષેત્રમાં સમૃદ્ઘિ અને સુરક્ષાને વધારવા માટે પોતાના મિત્રો સાથે અમે હંમેશા ઊભા રહીશું.

નોંધનીય છે કે પૂર્વી લદાખ વિસ્તારમાં મે મહિનાથી જ સરહદનો વિવાદ ચાલી રહ્યો છે અને ભારત અને ચીનની સેના વચ્ચે નવ વાર વાતચીત કરવામાં આવી છે જેમાં બંને સેનાઓ દ્વારા વિવાદને ઓછો કરવા માટે ચર્ચા કરવામાં આવી જોકે ચીન પોતાની અવળચંડાઇમાંથી ઊંચું ન આવતા આ વિવાદનો ઉકેલ આવી શકયો નથી અને બીજી તરફ ચીની સરકારના મુખપત્ર ગ્લોબલ ટાઈમ્સમાં પણ અવારનવાર ભારતને ચેતવણી આપવામાં આવી રહી છે ત્યારે હવે અમેરિકાના આ નિવેદન બાદ ચીની સરકારને ઝટકો લાગ્યો છે.

(3:19 pm IST)
  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 10,510 કેસ નોંધાયા :કુલ કેસની સંખ્યા 1, 08,58,300 થઇ :એક્ટિવ કેસ 1,38,834 થયા: વધુ 12,699 દર્દીઓ સ્વસ્થ થતા કુલ 1,05 ,59, 604 થયા :વધુ 85 લોકોના મોત સાથે કુલ મૃત્યુઆંક 1,55,280 થયા access_time 1:06 am IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST