Gujarati News

Gujarati News

News of Saturday, 10th February 2018

પાકની અવળચંડાઈઃ વધુ એક હિન્દુ છોકરીને જબરદસ્તી મુસલમાન બનાવી

નવી દિલ્હી, તા.૧૦ : મીડિયા રીપોર્ટમાં એ વાતનો દાવો કરવામાં આવ્યો છે કે, પાકિસ્તાનમાં હિન્દુ છોકરીઓને જબરદસ્તી ધર્મપરીવર્તન કરાવવામાં આવે છે. પાકિસ્તાનમાં છેલ્લા કેટલાક સમયથી હિન્દુ છોકરીઓના અપહરણ કરી તેના જબરદસ્તી ધર્મપરીવર્તનના કિસ્સાઓ સામે આવી રહ્યા છે. પાકિસ્તાનના થારમાં એક નાબાલીક હિન્દુ છોકરીના અપહરણ અને જબરદસ્તી ધર્મપરીવર્તન બાદ પાકિસ્તાનના સિંધ પ્રાન્તમાં આવો એક મામલો સામે આવ્યો છે.

પાકિસ્તાનના સિંધ પ્રાન્તમાં કેટલાક દિવસ અગાઉ બંદૂકની અણીએ એક હિન્દુ કિશોરીને ઇસ્લામ ધર્મ અપનાવવા માટે મજબૂર કરવામાં આવી. ઈસ્લામ ધર્મ કબૂલ કર્યા બાદ તેના પર નિકાહ માટે પણ દબાણ કરવામાં આવ્યુ હોવાનું રિપોર્ટમાં જણાવાયું છે. આ મામલે સ્થાનિક હિન્દુ સમુદાયના લોકો રોષે ભરાયા છે.

પાકિસ્તાનમાં હિંદુ છોકરીઓના અપહરણરી હિન્દુઓના માન-સમ્માનને  ઠેસ પહોંચાડવાનું કામ થઈ રહ્યું છે. સિંધ પ્રાન્તમાં એક નહીં પણ હિન્દુ છોકરીઓના અપહરણ કરી જબરદસ્તી ધર્મપરીવર્તન કરાવવાની ઘટનાના સમાચાર દર બીજા-ત્રીજા દિવસે સામે આવે છે. તેમાં હિન્દુ છોકરીઓને મદરસા લઈ જઈ બધાની સામે એલાન કરવામાં આવે છે કે, છોકરી પોતાની ઈચ્છાથી ધર્મપરીવર્તન કરી રહી છે. એટલુ જ નહીં ધર્મપરીવર્તન બાદ એ પણ એલાન કરવામાં આવે છે કે આ ધર્માતરણ બાદ લગ્ન પણ કરશે.

સિંધના પાનો અકિલ વિસ્તારમાં નિશા નામની એક હિન્દુ છોકરીનું અપહરણ કરી બુધવારે તેને અચાનક ભરચંડીના એક મદરસામાં લાવવામાં આવી અને એલાન કરવામાં આવ્યું કે તે પોતાની મરજીથી ઇસ્લામ ધર્મ અપનાવી રહી છે અને તેનું નવુ નામ સકીના છે. એટલુ જ નહીં તેના તરફથી એવુ પણ કહેવામાં આવ્યું કે તે ઈસ્લામ ધર્મ અપનાવ્યા બાદ એક મુસ્લિમ સાથે નિકાહ પણ કરી લીધા છે. આ ઘટનાને કારણે સિંધના હિન્દુઓ  અને  કેટલાક મુસ્લિમોએ વિરોધ કર્ર્યો હતો.

એક અંદાજ અનુસાર, છેલ્લા પાંચ મહિનામાં લગભગ ૨૦૦ હિન્દુ છોકરીઓના અપહરણ કરી જબરદસ્તી મુસલમાન બનાવવાની સાથે જબરદસ્તી તેના નિકાહ કરાવવામાં આવ્યા છે.

(3:46 pm IST)
  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST