Gujarati News

નવી દિલ્હી: ‘આરોગ્ય સેતુ એપ્લિકેશન’ સંબંધિત માહિતીની ઉપલબ્ધતા અંગે કેન્દ્રીય માહિતી કમિશન (સીઆઈસી) સમક્ષ કેન્દ્ર સરકારના તમામ વિભાગો અને મંત્રાલયોના તમામ કેન્દ્રીય માહિતી અધિકારીઓ (સીપીઆઇઓ) વતી ગેરવાજબી રજૂઆતો કરવાના મામલામાં બિનશરતી માફી ‘માંગવામાં આવી હતી.

અગાઉ, સીઆઈસીએ આરોગ્‍ય સેતુ એપ્લિકેશનની રચના અંગે માહિતી ન હોવાનો દાવો કરવા માટે ઇલેક્ટ્રોનિક્સ અને માહિતી ટેકનોલોજી મંત્રાલયના કાન ખેંચ્યા હતા. જોકે, પાછળથી દાવો કર્યો હતો કે બધી માહિતી જાહેર ક્ષેત્રમાં છે.

સરકારની કોવિડ -19 માર્ગદર્શિકા હેઠળ આરોગ્ય સેતુ એપ્લિકેશનને મુસાફરી અને અન્ય ઘણી પ્રવૃત્તિઓ માટે ફરજિયાત બનાવવામાં આવી હતી.

આ કેસમાં અરજદાર આરટીઆઈ એક્ટિવિસ્ટ સૌરવ દાસે સીઆઈસી સમક્ષ 1 ઓગસ્ટે અરજી કરી હતી, કારણ કે તેમને એપ્લિકેશનની વિગતો અંગે મંત્રાલય તરફથી સંતોષકારક જવાબ મળ્યો નથી.

અન્ય માહિતી સાથે તેમણે આરોગ્ય સેતુ એપ્લિકેશનના નિર્માણ સંબંધિત સંપૂર્ણ ફાઇલ અને પ્રક્રિયામાં સામેલ કંપનીઓ, લોકો અને સરકારી વિભાગોની વિગતો માંગી હતી. દાસે જે કાયદા હેઠળ એપ્લિકેશન બનાવવામાં આવી હતી અને તેને હેન્ડલ કરવામાં આવી રહી છે તેની વિગતો પણ માંગી હતી.

આરટીઆઈ કાર્યકર્તાએ સીઆઈસીને જણાવ્યું હતું કે ઇલેક્ટ્રોનિક્સ અને માહિતી ટેકનોલોજી મંત્રાલયે 7 ઓગસ્ટે જવાબ આપ્યો હતો અને કહ્યું હતું કે આ અરજી મંત્રાલયના રાષ્ટ્રીય ઇ-ગવર્નન્સ વિભાગના સીપીઆઇઓને મોકલી હતી, પરંતુ તેમના પ્રશ્નોના જવાબ આપ્યા નથી.

નેશનલ ઇ-ગવર્નન્સ ડિવિઝને 2 ઓક્ટોબરના રોજ જવાબ આપ્યો કે તેમની પાસે તેમના પ્રશ્નોથી સંબંધિત જવાબો નથી.

દાસે તાત્કાલિક સુનાવણીની માંગ કરતા કહ્યું કે આ મામલો લોકોના હિતનો છે અને તાત્કાલિક જાહેર તપાસની જરૂર છે.

અરજદારે એ પણ ધ્યાન દોર્યું હતું કે જાહેર અધિકારીઓ દ્વારા પ્રોટોકોલ, 2020 હેઠળ તેમની ફરજ બજાવવામાં કોઈપણ નિષ્ફળતા, પ્રાઈવસીના અધિકાર, જીવન અને સ્વતંત્રતાના મૂળભૂત અધિકાર પર લોકોના વ્યક્તિગત અને વપરાશકર્તા ડેટાના ઉપયોગની માહિતી આપવામાં તેની નિષ્ફળતા ગંભીર અને બદલી ન શકાય તેવી હાનિકારક અસરો પડશે.