Gujarati News

નવી દિલ્હી: કેન્દ્ર સરકાર દ્વારા લાવવામાં આવેલા નવા કૃષી કાયદાના વિરોધમાં સમગ્ર દેશમાં ખેડૂતો એક થઇ રહ્યા છે જેના કારણે આજે બંધનું આહ્વાન કરી રહ્યા છે. તેઓ સતત ચાલી રહેલા આ વિરોધ પ્રદર્શનમાં પંજાબી ફિલ્મ ઇન્ડસ્ટ્રીના મોટા મોટા કલાકારોએ પણ ભાગ લીધો છે. જ્યાં આ કલાકાર પહેલા માત્ર સોશિયલ મીડિયા પર આંદોલનકર્તાઓ પોસ્ટ કરીને સાથ આપી રહ્યા હતા બીજી તરફ હવે દિલજીત દોસાંજ બાદ સતત ફિલ્મી સ્ટાર જોડાઇ રહ્યા છે. હવે વધારે એક વીડિયો વાયરલ થઇ રહ્યો છે. જેમાં પંજાબી સિંગર રુપિંદર હાંડા ખેડૂતો માટે ભજીયા બનાવતી જોવા મળી રહી છે.

ગત્ત દિવસોમાં જ્યાં તમામ પંજાબી સિંગરોએ ખેડૂતોના સપોર્ટમાં ગીત ગાયા હતા. બીજી તરફ સોશિયલ મીડિયામાં સામે આવેલી નવી તસ્વીરમાં સિંગર રુપિંદર હાંડા ખેડૂતો માટે રોટલી તથા બ્રેડ પકોડા બનાવતી જોવા મળી હતી. આ તસ્વીરો અને વીડિયોને રૂપિંદરે જ પોતાનાં સોશિયલ મીડિયામાં શેર કરી છે. રૂપિંદરનો આ વીડિયો સામે આવ્યા બાદ લોકો તેના ખુબ જ વખાણ કરી રહ્યા છે.

અત્રે ઉલ્લેખનીય છે કે, રૂપિંદર હાંડાની આ તસ્વીરો દિલ્હીની ટિકરી બોર્ડર પરથી સામે આવી રહ્યા છે. આને પોસ્ટ કરાત રૂપિંદરે કેપ્શમાં લખ્યું કે, આજે પણ લંગર સેવા આપી રહ્યા છે. વાહે ગુરૂ ભલુ કરે. અત્રે ઉલ્લેખનીય છે કે, પંજાબી સિંગર અને એક્ટર દિલજીત દોસાંજે પણ પોતે આંદોલન સ્થળ પર ગત્ત દિવસો દરમિયાન આંદોલન કરી રહેલા ખેડૂતોનું સમર્થન કર્યું હતું. તેમણે ખેડૂતોને ઠંડીથી બચવા માટે એક કરોડ રૂપિયાનું દાન કર્યું. આ નાણા રહેવા માટેની સારી વ્યવસ્થા કરવા અને ગરમ ધાબળા અને કપડા ખરીદવા માટે કરવામાં આવશે.