Gujarati News

નવી દિલ્હી,તા. ૯: અજીબોગરીબ પૈશન અનુસરીને પૈસા કમાનારા લોકોની દુનિયામાં કોઈ કમી નથી. ૨૫ વર્ષથી મોહમ્મદ હામદી બોશ્તા પણ આવા લોકોમાં સામેલ છે. ઇજિપ્તનો રહેવાસી મોહમ્મદ હામદી વીંછીનું ઝેર વેચે છે. આ વિચિત્ર શોખ એક દિવસ તેને એટલો સમૃદ્ઘ અને સફળ બનાવશે, તેણે પોતે પણ વિચાર્યું નહીં હોય. તેમને એક ગ્રામ ઝેરના બદલામાં લગભગ ૭૩ લાખ રૂપિયા (૧૦,૦૦૦ ડોલર) મળે છે.

ઇજિપ્તના રણ અને દરિયાકાંઠાના વિસ્તારોમાંથી વીંછીને પકડવાની તેમની ઉત્કટતાને લીધે મોહમ્મદ હમદીએ થોડા વર્ષો પહેલા પુરાતત્ત્વશાસ્ત્રમાં તેમની ડિગ્રી છોડી દીધી હતી. તે આ વીંછીના ઝેરને નીકાળે છે, જે દવાઓ બનાવવા માટે વપરાય છે.

મોહમ્મદ હમદી માત્ર ૨૫ વર્ષની ઉંમરે 'કાયરો વેનોમ કંપની'ની માલિક બન્યા છે. આ એક પ્રોજેકટ છે જેમાં ૮૦,૦૦૦ હજારથી વધુ વીંછી અને વિવિધ જાતિના સાપ રાખવામાં આવ્યા છે. આ સાપ અને વીંછીનું ઝેર કાઢવામાં આવે છે અને ફાર્માસ્યુટિકલ કંપનીઓને વહેંચી દેવામાં આવે છે.

યુવી લાઈટ (અલ્ટ્રાવાયોલેટ લાઇટ)ની મદદથી, પકડેલા વીંછીના ઝેરને દૂર કરવા માટે એક નાનો ઇલેકિટ્રક શોક આપવામાં આવે છે. જલદી ઇલેકિટ્રક આંચકો આવે છે, વીંછીનું ઝેર બહાર આવે છે અને તે સ્ટોર કરી લેવામાં આવે છે.

એક રિપોર્ટ મુજબ વીંછીના ઝેરના એક ગ્રામમાંથી આશરે ૨૦,૦૦૦ થી ૫૦,૦૦૦ એન્ટિવેનોમ ડોઝ બનાવી શકાય છે. એન્ટિવેનોમ દવાઓ બનાવતી વખતે, વીંછીના ઝેરની માત્રામાં ખૂબ કાળજી લેવામાં આવે છે.

મોહમ્મદ હામદી બોશ્તા વીંછીને આ ઝેર યુરોપ અને અમેરિકામાં સપ્લાઇ કરે છે, જયાં તેનો ઉપયોગ એન્ટિવેનમ ડોઝ અને હાયપરટેન્શન જેવા તમામ રોગો માટે દવાઓ બનાવવા માટે થાય છે. એક ગ્રામ વીંછીનું ઝેર વેચતાં તેઓને ૧૦ હજાર યુએસ ડોલર એટલે કે લગભગ ૭૩ લાખ રૂપિયા મળે છે.

રોગ નિયંત્રણ અને નિવારણ કેન્દ્રોના રિપોર્ટ મુજબ, દર વર્ષે યુ.એસ. માં લગભગ ૮૦,૦૦૦ લોકોને ઝેરી સાપ અથવા વીંછી ડંખ મારતા હોય છે. જયારે આ ઝેરી જીવો દ્વારા કરડવામાં આવે છે, ત્યારે માનવીને તાત્કાલિક સારવારની જરૂર હોય છે. પરંતુ કમનસીબે એન્ટિવેનમ ડ્રગનું બજાર ખૂબ નાનું છે. કદાચ આથી જ આ દવાઓના ભાવ ખૂબ વધારે છે.

ઝેરી જીવોનું ઝેર માનવના શરીરમાં રહેલા ટિશૂજને ઝડપથી ડેમેજ કરે છે. તેમા હેમરેજ કે રેસ્પિરેટરી અરેસ્ટની સમસ્યા વધી જાય છે. આ ઝેર એટલા દુખદાયી અને જીવલેણ હોય શકે છે તે પલકારામાં વ્યકિતનું મોત થઇ શકે છે.